Namna ya Kutumia Habari Zenye Kurekodiwa za Kusikiliza
1. Zaidi ya vichapo vyenye kuandikwa, kuna mupango gani mwengine wenye kufurahisha?
1 Watu wengi wanafurahia kutumia jw.org ili kusoma maneno sahihi na yenye kupendeza ya kweli. (Mhu. 12:10) Je, weye pia unafanya hivyo? Kupitia njia hiyo, tunaweza kusikiliza habari nyingi zenye kupatikana kwenye adrese yetu ya Internete. Habari zenye kurekodiwa za kusikiliza zinaweza kutuletea faida gani?
2. Namna gani habari zenye kurekodiwa za kusikiliza zinaweza kutusaidia katika funzo letu la pekee ao la familia?
2 Kwa Ajili ya Funzo Letu la Pekee ao la Familia: Kusikiliza rekodi ya usomaji wa Biblia, wa magazeti, ao wa kichapo fulani wakati tunasafiri ao wakati tunafanya kazi zetu za kila siku kunaweza kutusaidia tutumie muzuri wakati wetu. (Efe. 5:15, 16) Ili ibada yetu ya familia isituchokeshe, tunaweza kusikiliza kwa mufano usomaji wa habari fulani, kila mutu akiufuata katika kichapo chake. Wakati wa funzo la pekee, kutumia habari zenye kurekodiwa za kusikiliza kunaweza kukusaidia, zaidi sana, kama unataka kujua kusoma muzuri zaidi ao kama unajifunza luga mupya.
3. Ni watu gani katika eneo letu wanaweza kufurahia habari zenye kurekodiwa za kusikiliza?
3 Kwa Ajili ya Mahubiri: Watu fulani katika eneo letu wenye hawana wakati wa kusoma vichapo vyetu, wanaweza kufurahia habari zenye kurekodiwa za kusikiliza. Tena, tunaweza kukutana na watu wenye kusema luga ingine, na watu hao wanaweza kupendezwa zaidi kama wanasikiliza ujumbe wa Ufalme katika ‘luga yenye walizaliwa nayo.’ (Mdo. 2:6-8) Watu wa maeneo fulani wako na desturi ya kusikiliza habari. Kwa mufano, katika desturi ya Hmong, wazazi wanaelezea vijana historia yao na vijana wanajikaza kuchunga habari hizo katika akili yao. Katika maeneo fulani ya Afrika, watu wana desturi ya kujifunza mambo kupitia historia yenye wanawaelezea.
4. Tunapaswa kujiuliza maulizo gani ili kusaidia watu wa eneo letu?
4 Katika eneo lako, kuna musikilizaji mwenye anaweza kufurahia kusikiliza usomaji fulani wa kurekodiwa katika luga yake? Je, unajua mutu fulani mwenye anaweza kufurahia kusikiliza usomaji wenye kurekodiwa wa kichapo fulani kama unamutumia usomaji huo kupitia Internete? Je, inawezekana kuchukua usomaji fulani wa kurekodiwa kwenye Internete na kuutia kwenye CD na kuupatia musikilizaji mwenye kupendezwa, pengine pamoja na kichapo chenye kuandikwa? Tunapaswa kuripoti kila broshua, gazeti, kitabu ao trakte ya kielektroniki yenye tunatolea watu katika mahubiri. Habari zenye kurekodiwa za kusikiliza zinafanywa kwa ajili yetu ili tuzitumie katika funzo letu la pekee na kupanda mbegu za kweli za Ufalme.—1 Kor. 3:6.