Vile Tunapaswa Kutumia Sehemu Namna ya Kuanzisha Mazungumuzo

Tangu Mwezi wa 1, 2018, ukurasa wa kwanza wa Buku la Mukutano Utumishi na Maisha ya Mukristo umekuwa na sehemu, namna mbalimbali za kuanzisha mazungumuzo. Namna gani tunaweza kutumia ile sehemu?

Wakati uko na mugao wa wanafunzi: Unapaswa kutumia ulizo, andiko, na ulizo la kuachia mutu vyenye kuwa ku sehemu, namna ya kuanzisha mazungumuzo. Lakini, ile haimaanishe kama unapaswa kutumia maneno ileile yenye kuwa mu video ya namna ya kuanzisha mazungumuzo. Unaweza kutumia kikao tofauti, utangulizi tofauti, na namna tofauti ya kufikiri na musikilizaji, ao mambo ingine. Unaweza pia kumutolea kichapo kimoja kati ya Vyombo Vyetu vya Kufundishia, hata kama maagizo ya mugao wako haikuombe kufanya vile.

Wakati Uko mu Mahubiri: Sehemu namna ya kuanzisha mazungumuzo iko na kusudi la kutupatia mawazo fulani yenye inaweza kutusaidia. Kama mutu anapendezwa na anapenda kujua mambo mingi zaidi, unaweza kuendelesha mazungumuzo, pengine kwa kutumia habari ya kumurudilia mutu yenye kuwa kwenye sehemu namna ya kuanzisha mazungumuzo. Unaweza kubadilisha kidogo namna ya kuanzisha mazungumuzo ao kutumia namna yenye kuwa tofauti kabisa. Watu mingi mu eneo lenu wanaweza kufurahia habari fulani yenye ilizungumuziwa mwezi wenye ulipita ao andiko ingine? Watu mu eneo lenu wanapendezwa na jambo fulani lenye lilitokea hivi karibuni ao lenye kuzungumuziwa ku vyombo vya habari? Unaweza kutumia katika njia mbalimbali sehemu namna ya kuanzisha mazungumuzo. Lakini kusudi lako linapaswa kuwa ‘kufanya mambo yote kwa ajili ya habari njema, ili uishiriki pamoja na wengine.’​—1Ko 9:22, 23.