Rudilia Mawazo Makubwa

Ilishakakufikia kisha kujifunza haukumbuke tena mambo yenye umetoka tu kujifunza? Ile inatufikiaka siye wote mara kwa mara. Nini njo inaweza kukusaidia? Kurudilia mawazo makubwa.

Wakati uko najifunza, mara kwa mara uache kwanza na urudilie mawazo makubwa. Ona namna mutume Paulo alisaidia wale wenye walikuwa nasoma barua zake wafanye vile. Aliandika hivi: “Sasa jambo kubwa la mambo yenye tunasema ni hili.” (Ebr. 8:1) Kwa kufanya vile alisaidia wasikilizaji wake waelewe mambo yenye aliwaandikia na waone vile mambo yote yenye aliandika inapatana.

Unaweza kujitilia wakati, pengine hata dakika kumi, ku mwisho wa funzo juu ya kufikiria mawazo makubwa ya mambo yenye umetoka kujifunza. Kama hauikumbuke angalia vichwa vidogo-vidogo ao misemwa yenye kuzungumuzia mambo makubwa ya habari; mara mingi inakuwaka misemwa ya kwanza ya kila fungu. Kama ulijifunza jambo fulani ya mupya, jaribu kurudilia ile jambo mu maneno yako. Kama unakuwa narudilia mawazo makubwa, utaweza kuweka mu akili mambo yenye ulijifunza, na zaidi sana utaona namna unaweza kuitumikisha mu maisha yako.