Maulizo Yenye Watu Wanaulizaka Sana / Mazoea / Juu ya Nini Mashahidi wa Yehova Hawaitake Fasi Yao ya Ibada Kanisa?

Mu Biblia, neno ya Kigiriki yenye wakati fulani inatafsiriwa “kanisa” inamaanisha kikundi ya watu wenye kuabudu, hapana nyumba mwenye wanakutania.

Ona hii mufano: Wakati mutume Paulo aliandikia Wakristo wa Roma barua, alituma salamu kwa Aquila na Priscilla, na alisema tena hivi: “Nisalimieni na kanisa lililomo katika nyumba yao.” (Waroma 16:5, Union Version) Paulo hakusalimia nyumba ao jengo. Lakini, alikuwa anatuma salamu kwa watu wenye walikuwa wanakusanyika mu ile nyumba.

Njo maana tunaitaka fasi yetu ya ibada “Jumba ya Ufalme” kuliko kuita “kanisa.”

Juu ya Nini Tunaitaka “Jumba ya Ufalme ya Mashahidi wa Yehova”?

Ile njo jina yenye inafaa, na kuko sababu mingi zenye zinafanya tuite vile:

• Jengo ni jumba, ao fasi ya kukusanyikia.

• Tunakusanyika juu ya kumuabudu Yehova, Mungu mwenye anazungumuziwa mu Biblia, na juu ya kutoa ushahidi juu yake.​—Zaburi 83:18; Isaya 43:12.

• Pia tunakusanyikia pale juu ya kujifunza kuhusu Ufalme wa Mungu, wenye Yesu alizungumuziaka sana.​—Matayo 6:9, 10; 24:14; Luka 4:43.

Unaalikwa kufika ku Jumba ya Ufalme yenye iko karibu na kwenu juu ujionee weye peke vile Mashahidi wa Yehova wanafanyaka mikutano yao.