Chaîne ya Satelite JW Inafika Fasi Kwenye Enternete Haifike

Kila mwezi tunachungaka kwa hamu programu na video zenye kutia moyo za JW Télédiffusion. Lakini, ni nguvu kwa ndugu wengi mu Afrika kupata zile programu kupitia Enternete. Juu ya nini?

Mu sehemu mingi za Afrika, Enternete haipatikanake sana. Na fasi kwenye Enternete inakuwaka mara mingi inakuwaka polepole ao bei sana. Kwa mufano, wakati mwangalizi fulani wa muzunguko wa mu Madagascar alikuwa anachukua programu ya mwezi ya JW Télédiffusion mu Cyber Café, walimulipisha dolare 16 yenye inapita makuta yenye watu fulani wanapataka mu juma moya!a

Ijapokuwa ile magumu, mamilioni ya watu mu Afrika wanaweza kufurahia kuangalia JW Télédiffusion bila kutumia Enternete. Namna gani?

Tangu mwaka wa 2017, JW Télédiffusion inaweza kupatikana kwa wale wenye wanaishi kusini mu Jangwa ya Sahara kupitia chaîne ya satelite. Ile chaîne inatoa habari bila kulipa, tena kila siku kwa saa 24 mu juma yote mu luga 16.

Ili kutimiza ile, Mashahidi wa Yehova walikuwa wanalipia chaîne ya televizyo ku satelite. Ile satelite ilipitishwa mu inchi 35, kusini mu Jangwa ya Sahara. Juu ya kulipia ile chaîne iliomba dolare 12 000 kwa mwezi. Mara kwa mara, makuta ingine inalipiwaka ili kupitisha matukio ingine ku chaînes mbalimbali. Ile inasaidia maelfu ya watu kufurahia mikusanyiko ao programu za pekee wakati muakilishi wa makao makubwa anatembelea tawi.

Watu wengi, kutia ndani wenye hawako Mashahidi wanaangaliaka chaîne ya satelite JW ku televizyo zao ku nyumba. Lakini, ndugu wengi hawana uwezo wa kuuza vyombo vyenye vinaomba juu ya kuuza chaîne ya satelite. Juu ya kuwasaidia, vyombo vya satelite vinatiliwa ndani ya Jumba ya Ufalme zaidi ya 3 670 juu ndugu na dada waweze kuangalia JW Télédiffusion mule. Vile vyombo kutia ndani makuta ya kuisafirisha ni dolare 70, kama Jumba ya Ufalme iko tayari na televizyo ao projecteur. Lakini kama Jumba ya Ufalme haina vile vitu, vile vyombo vinaweza kufikia dolare 530.

Ndugu na dada zetu wanafurahia sana ile chaîne. Muzee moya wa inchi ya Cameroun anasema hivi: “Familia yetu inaonaka ile chaîne kama vile mana katikati ya jangwa.” Ndugu Odebode, wa mu Nigeria, anasema hivi: “Tunaangaliaka ile chaîne mu familia mara tatu kwa juma, kila mara watoto wangu wanachungaka sana kwa hamu ile wakati. Na wakati fulani wanatuombaka tubadilishe chaîne zingine juu waangalie chaîne ya JW.” Rose wa Nigeria, anasema hivi: “Nafurahi sana kusema kama chaîne ya satelite JW imekamata sasa nafasi ya chaîne ya habari yenye nilikuwa napenda sana kuangalia. Wakati nilikuwa naangalia habari ilikuwa mwepesi sana kwangu kukasirika juu ya mambo yenye niliona na hata moyo wangu ulikuwa unanipiga-piga mbiombio. Lakini JW Télédiffusion inakuwaka yenye kutia moyo sana na yenye kutuliza! Ni chaîne yenye napendaka sana. Ni baraka kubwa sana kutoka kwa Yehova.”

Mwangalizi fulani wa Mozambique alisema kama mu muzunguko wake, mu Majumba ya Ufalme mulitiliwa vyombo vya chaîne ya satelite. Ndugu wa ile makutaniko walikuwa wanafika saa moya ao zaidi mbele mukutano uanze juu waangalie JW Télédiffusion kupitia satelite.

Mu 2019 ku mukusanyiko wa kimataifa wenye ulifanyika Johannesburg mu Afrika ya Kusini, chaîne yetu ilitumiwa ili kupitisha hotuba kutia ndani hotuba yenye ilitolewa na mushiriki wa Baraza Yenye Kuongoza na ilipitishwa pia mu maeneo ingine kenda. Ndugu Sphumelele, wa Idara ya JW Télédiffusion mu tawi ya Afrika ya Kusini, anasema hivi: “Mbele tungepitisha zile hotuba kupitia Enternete. Lakini ile ingeomba Enternete ya muzuri na makuta mingi. Chaîne ya satelite JW haikukuwa bei sana na ilikuwa yenye kutegemeka.”

Kupitia michango yenu kwa ajili ya kazi ya ulimwenguni pote, ndugu na dada wengi mu Afrika wanaweza kuangalia JW Télédiffusion kupitia satelite. Tuko wenye shukrani sana kwa ajili ya michango yenye munatoa kupitia njia mbalimbali yenye kupatikana ku donate.jw.org.