Wamisionere “Mupaka Kwenye Sehemu ya Mbali Zaidi ya Dunia”

Yesu aliambia wanafunzi wake hivi: “Mutakuwa mashahidi wangu . . . mupaka kwenye sehemu ya mbali zaidi ya dunia.” (Mdo. 1:8) Leo, Mashahidi wa Yehova wako nafanya kwa bidii mambo yenye Yesu aliwaomba wafanye. Lakini, kuko sehemu za dunia, kutia ndani sehemu fulani zenye kuwa na watu wengi, zenye haziyahubiriwa kwa ukamili. Na mu inchi fulani muko Mashahidi wa Yehova kidogo. (Mt. 9:37, 38) Tunafanya nini juu habari njema ifikie watu wengi zaidi?

Juu ya kutii amri ya Yesu, Halmashauri ya Utumishi ya Baraza Yenye Kuongoza ya Mashahidi wa Yehova inatuma wamisionere mu maeneo kwenye kuko lazima ya wahubiri. Kwa sasa, kuko wamisionere 3 090 mu dunia yote.a Wengi kati yao wamepata mazoezi ku masomo ya Biblia, sawa vile Masomo ya Waeneza-Injili wa Ufalme. Wamisionere wako tayari kuacha inchi yao na kuhamia mu inchi ingine. Ukomavu, mazoezi na uzoefu wa wale wamisionere waaminifu unawasaidia kuhubiri habari njema, na wanawekea wanafunzi wapya mufano muzuri.

Kusaidia Wamisionere Ni Kusaidia Wengine

Ku kila biro ya tawi, biro ya Idara ya Utumishi yenye inashugulikia watumishi wa wakati wote wenye kufanya kazi mu eneo inatumikaka na Halmashauri ya Tawi juu ya kuhangaikia mahitaji ya wamisionere, sawa vile kuwatafutia nyumba, kuwasaidia wapate matunzo, na kuwapatia makuta kidogo juu ya mahitaji yao ingine. Mu mwaka wa utumishi wa 2020, Mashahidi wa Yehova walitumia karibu dola milioni 27 juu ya kuhangaikia mahitaji ya wamisionere. Ile yote inasaidia wamisionere wakaze uangalifu wao wote na watumie nguvu yao yote mu kazi ya kuhubiri na pia watie nguvu kutaniko kwenye wanatumikia.

Wamisionere wamesaidia namna gani mu kazi ya kuhubiri? Frank Madsen, mwenye anatumikia ku biro ya Tawi ya Malawi, anasema hivi: “Uhodari na ufundi wa wamisionere umesaidia makutaniko ihubirie maeneo yenye kuwa nguvu kuhubiria, sawa vile maeneo ya malupango-lupango, na maeneo kwenye watu wanazungumuza luga za kigeni. Tena, wamisionere wanajikazaka kujifunza luga ya kwenye wanatumikia na kuzoea desturi za pale. Ile inakuwa mufano muzuri kwa wengine, na wanasaidia vijana wafikirie kuingia mu utumishi wa wakati wote. Tunamushukuru Yehova juu ya wamisionere.”

Ndugu wa Halmashauri ya Tawi ya inchi ingine anasema hivi: “Wamisionere wanaonyesha kama watu wa Yehova wako na umoja mu dunia yote. Hata wale wenye hawako Mashahidi wanaweza kuona waziwazi kama hatuna migawanyiko juu ya desturi zetu; lakini mafundisho ya Biblia imetusaidia kuwa familia ya ndugu na dada yenye umoja.”

Namna gani wamisionere wanasaidia wahubiri fasi kwenye wanatumikia? Paulo, wa Timor-Leste, anafurahia sana wamisionere wenye wanatumikia mu kutaniko yake. Anasema hivi: “Kwetu kunakuwaka kifukutu sana, tena sana. Hata kama wamisionere wanatoka fasi kwenye kuko baridi, hawaache hata kidogo kifukutu ya kwetu iwazuie kuhubiri. Kila asubui hawakosake ku mikutano ya mahubiri. Mara mingi ninawaonaka wako narudilia watu muchana, wakati kuko kifukutu sana, na pia mangaribi. Wamesaidia watu wengi kujifunza kweli na mimi pia. Kwa bidii na uchangamufu, wametumia maisha yao yote juu ya kumutumikia Yehova, na ile inatia moyo kutaniko yote imutumikie Yehova kwa bidii zaidi.”

Ketti, painia wa kawaida mu Malawi, anaeleza namna bibi na bwana wamisionere walisaidiaka familia yake. Anasema hivi: “Wakati bibi na bwana wamisionere walitumwa mu kutaniko yetu, miye tu mu familia yetu njo nilikuwa Shahidi. Lakini ule bibi na bwana walinitegemeza na walifanya urafiki wa karibu na familia yetu. Mufano wao muzuri ulisaidia watoto wangu waone namna kumutumikia Yehova kunasaidia mutu akuwe na maisha yanye furaha na yenye kutosheka. Mufano muzuri wa wale wamisionere ulisaidia watoto wangu tatu wanamuke wakuwe mapainia wa kawaida, na umesaidia bwana yangu aanze kuhuzuria mikutano.”

Wamisionere wanapataka mahitaji yao ya kimwili namna gani? Kupitia michango yenye inafanywa juu ya kazi ya mu dunia yote. Michango mingi inatolewa kupitia njia zenye zinapatikana ku donate.jw.org. Ile michango yote yenye inatolewa kwa ukarimu inasaminiwa sana.