SOMO YA 10

Kubadilisha Sauti

Mezali 8:4, 7

JAMBO LA KUFANYA: Zungumuzia mambo waziwazi na uchochee hisia kwa kupandisha ao kushusha sauti, kubadilisha sauti juu ya kuonyesha hisia, na kusema mbio-mbio ao polepole.

NAMNA YA KUFANYA VILE:

Pandisha ao shusha sauti. Pandisha sauti juu ya kukazia mambo makubwa na juu ya kuchochea wasikilizaji wako. Ufanye vile pia wakati unasoma andiko lenye linazungumuzia hukumu. Shusha sauti juu ya kufanya wasikilizaji wakuwe na hamu ya kujua ile unataka kusema ao juu ya kuonyesha woga ao wasiwasi.

Usikuwe unapandisha-pandisha sauti kila wakati mupaka wasikilizaji wako waanze kuwaza kama uko unawatombokea. Epuka kufanya watu wakukazie sana uangalifu kwa kuzungumuza sawa vile uko unafanya teatre.
Badilisha sauti juu ya kuonyesha hisia. Kama haiko mubaya mu luga yako, pandisha sauti juu ya kuonyesha uchangamufu ao kuonyesha ukubwa ao umbali. Shusha sauti yako juu ya kuonyesha huzuni na wasiwasi.
Sema mbio-mbio ao polepole. Sema mbio-mbio juu ya kuonyesha kama unafurahia sana jambo fulani. Sema polepole wakati unazungumuzia mambo ya maana.

Juu usishitue wasikilizaji wako, epuka kubadilisha kwa kushitukia mwendo wako wa kuzungumuza. Usiseme mbio-mbio sana mupaka watu washindwe kuelewa mambo yenye uko unasema.