VIJANA WANAULIZA

Ni Jambo ya Maana Kujulikana Sana ku Site za Enternete za Kupashana Habari?

Kijana mwenye kuitwa Elaine anasema hivi: “Wakati niliona wanafunzi wenzangu wangu wako na marafiki wengi ku site za Enternete za kupashana habari, niliwaza hivi: Ah! wanajulikana sana!’ Kusema kweli, niliwasikilia wivu.”

Ulishajisikia vile? Kama ni vile, hii habari itakusaidia uepuke mahangaiko ya kujaribu kujulikana sana ku site za Enternete za kupashana habari.

Kuko hatari gani?

Mu Mezali 22:1, Biblia inasema kama “inafaa kuchagua jina la muzuri kuliko kuchagua mali nyingi.” Kwa hiyo, haiko mubaya kuwa na sifa ya muzuri ao kutaka wengine watupende.

Lakini wakati fulani, tamaa ya kupenda kukubaliwa inaweza kugeuka na kuwa tamaa ya kupenda kujulikana sana. Kuko hatari? Onya, wa miaka 16, anajibu ndiyo. Anasema hivi:

“Nimeona vile watu wanafanya mambo ya upumbavu, sawa vile kuruka kutoka ku gorofa ao étage ya pili ya nyumba, juu tu waonekane watu wa ajabu sana.”

Juu ya kujionyesha, watu fulani wanarekodi video na wako wanafanya mambo ya upumbavu na wanazitia ku Enternete. Kwa mufano, vijana fulani walitia ku Enternete video zenye kuwaonyesha na wako wanakula sabuni zenye sumu, jambo yenye mutu hapaswe kufanya!

Biblia inasema hivi: “Msifanye chochote kwa moyo wa fitina au kwa majivuno ya bure.”—Wafilipi 2:3, Biblia Habari Njema.

Jambo ya kufikiria:

Kujulikana sana ku site ya Enternete ya kupashana habari ni ya maana sana kwako?
Unaweza kutia maisha yako mu hatari juu tu ya kujionyesha na juu tu marafiki wako wakukubali?

Vijana wenzako wanasema nini

“Kupenda kujulikana kunaweza kuwa hatari wakati watu wanaamua kufanya kila kitu juu tu ya kujulikana. Kwa mufano, wanawaza kama kusema, kuvala, ao kutenda mu njia fulani ku Enternete kunaweza kuwafanya wajulikane sana. Kama mutu anafanya mambo yenye anajua kuwa ni mubaya juu tu ya kupenda kujulikana, ile inaweza kumuhuzinisha kisha.”—Leianna

Kuwaza kama unajulikana sana ni ndoto

Kila mara, watu hawafanyake mambo yenye kuwa hatari ili wajulikane sana. Erica, wa miaka 22, anaonyesha njia ingine yenye watu wanatumiaka. Anasema hivi:

“Watu wengi wanatiaka ku Enternete picha zenye kuonyesha mambo yenye wako wanafanya. Ni sawa vile wako na marafiki wengi sana wenye wanapitisha nao wakati mingi. Ile inafanya watu wawaze kama wanajulikana sana.”

Cara, wa miaka 15, anasema kama watu fulani wanatia ku Enternete habari za uongo juu ionekane sawa vile wanajulikana sana. Anasema hivi:

“Nimeona watu wametia picha zenye zinawaonyesha sawa vile wako ku karamu, kumbe wako ku nyumba.”

Matthew, wa miaka 22, anasema kama naye alishakafanya vile. Anasema hivi:

“Nilitia picha ku Enternete, kisha nikaonyesha kama nilikuwa ku Mulima Everest, hata kama siyafikaka Asia!”

Biblia inasema hivi: “Tunataka kujiendesha kwa unyoofu katika mambo yote.”—Waebrania 13:18.

Jambo ya kufikiria:

Ulishakatia habari za uongo ku Enternete juu tu ujulikane sana?
Picha na maelezo yenye unatiaka ku Enternete inaonyesha kabisa vile uko na inapatana kabisa na mambo yenye unaamini?

Vijana wenzako wanasema nini

“Watu fulani wanaweza kufanya jambo yoyote juu tu ya kupata alama mingi zenye kuonyesha kama watu wanafurahia mambo yenye wanatia ku Enternete. Ungependa kujulikana kuwa mutu mwenye anasemaka na kuvala mu njia ya mubaya ao mutu mwenye anapenda kuonyesha vitu vyenye iko navyo? Ao ungependa kujulikana kuwa mutu mwenye iko na sifa zako za muzuri ao mutu mwenye anapenda kuhangaikia wengine? Tunajisikiaka muzuri wakati tunapendwa na wengine, lakini inaomba tuhakikishe kama watu wanatupenda juu ya mambo ya muzuri.”—Hannah

Kuwa na marafiki na kuwa na alama mingi zenye kuonyesha kama watu wanafurahia mambo yenye ulitia ku Enterne ni jambo ya maana kabisa?

Watu wengi wanawaza kama ili kujulikana sana ku Enternete, inaomba kuwa marafiki wengi na alama mingi zenye kuonyesha kama watu wanafurahia mambo yenye unatia ku Enternete. Vile njo Matthew, mwenye tulishazungumuzia, alikuwa nawaza. Anasema hivi:

“Nilikuwa nazoea kuuliza wengi, ‘Uko na marafiki ngapi ku Enternete?’ ao ‘Ni hesabu gani kubwa ya alama yenye kuonyesha kama watu wanafurahia mambo yenye unatia ku Enternete yenye ulishakapata?’ Juu ya kuwa na marafiki wengi, niliomba hata watu wenye sijui wakuwe marafiki wangu na kuwaza kama wataitika. Nilikomalisha tamaa ya kupenda kujulikana sana, na site za Enternete za kupashana habari ziliongeza ile tamaa.”

Picha: 1. Kijana mwanamuke anaangalia kama amepata alama ngapi zenye kuonyesha kama watu wanafurahia mambo yeye alitia ku Enternete na anafurahi. 2. Uleule kijana mwanamuke iko anakula bonbons zenye kuwa ku sahani. 3. Uleule kijana mwanamuke anatia mukono ku tumbo yake na anaoneka kuwa mwenye huzuni. — Kupenda kujulikana sana ni sawa vile chakula yenye haijenge mwili, inaweza kufanya ufurahi, lakini haikusaidie kabisa

Maria, wa miaka 25, anasema kama watu fulani wanawazaka kama kuwa na marafiki na kuwa na alama mingi yenye kuonyesha kama watu wanafurahia mambo yenye unatia ku Enternete, ile njo inaonyesha kama uko mutu wa maana. Anasema hivi:

“Kama kijana mwanamuke anatia picha yake ku Enternete na haipate alama za mingi zenye kuonyesha kama watu wanaipenda, ile inafanya mara moya aseme kama hana sura ya muzuri. Ile ni mawazo yenye haifae, lakini mu hali ya vile, wengi wanafikiriaka vile. Ni njia fulani ya kujitesa wao wenyewe.”

Biblia inasema hivi: “Tusikuwe tunajisifu, tusichochee mashindano kati yetu, tusisikiliane wivu.”—Wagalatia 5:26.

Jambo ya kufikiria:

Kama unatumiaka site za Enterne za kupashana habari, unaona kama ile inakuchocheaka kujilinganisha na wengine?
Jambo yenye unahangaikia sana ni kuwa na marafiki wengi ku Enternete ao ni kuwa na marafiki wa kweli wenye wanakuhangaikia?

Vijana wenzako wanasema nini

“Juu ujulikane sana ku Enternete, unapaswa kuwa mutu mwenye watu wanafurahia, na mara mingi ile inaomba ukuwe sawa vile wale watu. Ile inaweza kufanya ukaze akili juu ya namna wengine wanakuona na mambo yenye unaweza kufanya juu wakupende zaidi. Ni kawaida kutaka kupendwa, lakini kupenda kujulikana sana kunaweza kukuingiza mu utumwa.”—Joshua

Uepuke “unyekevu wa kinafiki”

Ulishakaona mutu anajifanya sawa vile hafurahie mambo yenye alitimiza lakini kwa kweli iko njo anajisifu?

“Tangu niuze gari yangu ya mupya, kila mutu anapenda nimubebe!”
“Najisikiaka mubaya wakati wananiambia kama niko na afya ya muzuri!”

Mwenye kuzungumuza iko ananungunika juu aonekane sawa vile iko munyenyekevu, lakini kwa kweli iko njo anajisifu.

Shauri: Mara mingi kufanya vile kunaletaka matokeo ya mubaya juu wengine watafikia kuvumbula tu mambo yenye uko unajaribu kufanya. Na mara mingi watu wanachukiaka sana kujisifu ya chinichini kuliko kujisifu ya waziwazi.

Wakati utatia tena maelezo ao picha ku Enternete, uepuke unyekevu wa kinafiki. Ufuate hii shauri ya hekima: “Acha mutu mwingine akusifu, hapana kinywa chako mwenyewe.”—Mezali 27:2.