KITULIZO KWA WALE WENYE KUWA NA MUKAZO
Inawezekana Kuwa na Maisha Yenye Haina Mukazo
Hekima yenye kuwa katika Biblia inaweza kutusaidia kuepuka mukazo wenye hauna maana. Sisi wenyewe hatuwezi kumaliza mambo yote yenye kutuletea mukazo. Lakini Muumbaji wetu anaweza. Amechagua hata mutu fulani ili atusaidie. Ule mutu ni Yesu Kristo. Hivi karibuni, atafanya mambo ya muzuri katika dunia yote, kupita mambo yenye alifanya wakati alikuwa ku dunia. Kwa mufano:
YESU ATAPONYESHA WAGONJWA KAMA VILE ALIFANYA WAKATI ALIKUWA KU DUNIA.
“Wakamuletea watu wote wenye walikuwa wanateswa na magonjwa . . . mbalimbali . . . , na akawaponyesha.”—MATAYO 4:24.
YESU ATAFANYA WATU WOTE WAPATE CHAKULA NA NYUMBA.
“Watajenga [watu wenye watatawaliwa na Kristo] nyumba na kuishi ndani, na watapanda mashamba ya mizabibu na kula matunda yake. Hawatajenga ili mutu mwingine akae ndani, wala hawatapanda ili wengine wakule.”—ISAYA 65:21, 22.
UTAWALA WA YESU UTALETA AMANI NA USALAMA KATIKA DUNIA YOTE.
“Katika siku zake mwenye haki atasitawi, na amani itakuwa nyingi mupaka wakati mwezi utakuwa hauko tena. Atakuwa na raia kutoka bahari mupaka bahari na kutoka ule Muto mupaka kwenye miisho ya dunia. . . . Maadui wake watalambula mavumbi.”—ZABURI 72:7-9.
YESU ATAMALIZA UKOSEFU WA HAKI.
“Atamusikilia huruma mutu wa hali ya chini na maskini, na ataokoa uzima wa maskini. Atawaokoa katika ukandamizaji na katika jeuri.”—ZABURI 72:13, 14.
YESU ATAMALIZA HATA MATESO NA KIFO.
“Kifo hakitakuwa tena, wala maombolezo wala kilio wala maumivu havitakuwa tena.”—UFUNUO 21:4.