MAGUMU INAYALA MU DUNIA

2 | Ulinde Mali Yako

JUU YA NINI NI JAMBO YA MAANA?

Kila siku, watu wengi wako wanajikaza kupata mambo yenye wako nayo lazima kabisa. Jambo ya kuhuzunisha ni kwamba magumu yenye inayala mu dunia inaweza kufanya ile ikuwe nguvu zaidi. Juu ya nini?

Wakati kuko magumu ya mingi, bei ya nyumba na chakula inapandaka.
Matatizo inaweza kufanya watu wapoteze kazi ao wapunguzwe mushahara.
Misiba ya asili inaweza kufanya watu wapoteze kazi, nyumba, na mambo ingine ya maana. Na ile inaweza kufanya wakuwe maskini.

Mambo Yenye Unapaswa Kujua

Kama unatumia makuta yako muzuri, itakuwa mwepesi kwako kuvumilia wakati matatizo itatokea.
Ukumbuke kama makuta yenye unapataka, ao yenye unawekaka, na mali yako ingine inaweza kupoteza samani.
Kuko mambo yenye hatuwezi kupata juu tu tuko na makuta; mambo sawa vile furaha ya kweli, na umoja wa familia.

Mambo Yenye Unaweza Kufanya Sasa

Biblia inasema hivi: “Kama tuko na chakula na nguo, tutatosheka na vitu hivyo.”—1 Timoteo 6:8.

Mutu mwenye kutosheka anajikazaka kuwa na furaha wakati anapata mambo yenye iko nayo lazima kila siku na anaepukaka kuhangaikia sana mambo yenye anapenda tu kuwa nayo. Ni vile tunapaswa kuwa, zaidi sana wakati hatuna makuta mingi.

Juu ukuwe mwenye kutosheka, unapaswa kufanya maisha yako ikuwe mwepesi. Kupenda kuuza vitu vyenye vinapita uwezo wako itakuletea tu magumu mingi zaidi.

MAMBO YA KUFANYA—Mashauri Yenye Inaweza Kusaidia

Wakati jambo fulani ya mubaya inatokea, ufanye hii mambo juu ulinde mali yako

UPUNGUZE DÉPENSES

Upunguze dépenses

Usiuze vitu vyenye hauna navyo lazima kabisa. Ujiulize hivi: ‘Naweza kuishi bila motokari? Naweza kupanda shamba ya mboga za majani?’
Mbele ya kuuza kitu, ujiulize hivi: ‘Niko nayo lazima kabisa? Niko na makuta ya kuiuza?’
Unaweza kutafuta musaada kutoka ku guvernema ao ku matengenezo ingine, kama inapatikana kwenye unaishi.

“Mu familia yetu tuliikala pamoya, na tukaangalia namna tunatumikishaka makuta. Tulipunguza makuta yenye tulikuwa natumia mu mambo ya kujifurahisha. Na tena tulianza kupika chakula yenye haina bei sana.”—Gift.

UPANGE NAMNA UTATUMIA MAKUTA

Upange namna utatumia makuta

Biblia inasema hivi: “Mipango ya wenye bidii hakika inaleta mafanikio, lakini wale wote wenye kutenda haraka-haraka hakika watakuwa maskini.” (Mezali 21:5) Ukipanga namna utatumia makuta, ile itakusaidia usitumikishe makuta mingi kuliko yenye unapataka.

Kwanza, andika makuta yenye unaweza kupata ku mwezi.
Kisha, uandike liste ya mambo yenye unakuwaka nayo lazima ku mwezi, na uchunguze kwa uangalifu namna unatumiaka makuta.
Na ku mwisho, ulinganishe makuta yenye unapataka na mambo yenye unapaswa kuuza. Kama ni lazima, unaweza kupunguza ao kuacha kuuza mambo yenye hauna nayo lazima kabisa.

“Kila mwezi, miye na bibi yangu tunafanyaka liste ya makuta yenye tunapataka na mambo yenye tunakuwaka nayo lazima. Kisha tunawekaka makuta pembeni juu itusaidie wakati hali fulani yenye hatukutazamia itatokea, na juu itusaidie kuuza vitu vyenye tunaweza kuwa navyo lazima mu siku za mbele. Kufanya vile kunatusaidiaka tusikuwe na mahangaiko mingi, juu tunajua mbele ya wakati namna tutatumia makuta yenye tunapataka.”—Carlos.

UEPUKE MADENI / UWEKE MAKUTA PEMBENI

Uepuke madeni / uweke makuta pembeni

Kamata mipango juu upunguze madeni yenye uko nayo. Na kama inawezekana, uepuke tu kabisa kukamata madeni. Kuliko kukamata madeni, ukuwe naweka makuta pembeni juu ya kuuza vitu vyenye uko navyo lazima.
Uweke makuta kidogo pembeni kila mwezi, juu ukuwe na kiasi fulani ya makuta yenye itakusaidia wakati jambo fulani ya maana yenye ulipanga ao yenye haukutazamia itatokea.

UTUMIKE KWA BIDII / UCHUNGE KAZI YAKO

Biblia inasema hivi: “Kila namna ya kazi ya nguvu iko na faida.”—Mezali 14:23.

Utumike kwa bidii / uchunge kazi yako

Uendelee kuwa na mawazo ya muzuri juu ya kazi yenye uko nayo. Hata kama ile kazi haiko njo yenye ulikuwaka napenda, kusema kweli, iko nakusaidia kupata makuta.
Ujikaze kutumika kwa bidii, na ukuwe mwenye kutumainika. Ile itakusaidia uchunge kazi yako. Na hata kama unaipoteza, itakuwa mwepesi kwako kupata ingine.

“Ninaitikaka kazi yenye inapatikana, hata kama haiko njo kazi yenye ninapendaka sana, ao hata kama makuta yenye watanilipa haiko njo yenye ningetazamia. Najikazaka kuendelea kufanya kazi muzuri, na kuendelea kuwa mwenye kutumainika. Natumikaka sawa vile ile kazi ni yangu.”—Dmitriy.

Kama uko natafuta kazi . . .

Ukamate hatua fulani. Uzungumuze na kompanyi yenye unawaza kama inaweza kukupatia kazi yenye unaweza kufanya. Ufanye vile hata kama ile kompanyi haikusema kuwa iko natafuta wafanyakazi. Uambie marafiki na watu wa familia kama uko natafuta kazi.
Ujipatanishe na hali. Pengine itakuwa nguvu kupata kazi yenye unapendaka sana.