SOMO YA 34
Tunaweza kufanya Nini Juu ya Kuonyesha Kama Tunamupenda Yehova?
Tangu uanze kujifunza Biblia mupaka sasa, umemupenda Yehova zaidi? Utapenda kuendelea kuwa rafiki yake wa sana? Kama ni vile, ukumbuke kama, wakati Yehova ataona kuwa unamupenda sana, ni vile naye atakupenda sana na kukuhangaikia. Unaweza kufanya nini juu ya kuonyesha kama unamupenda Yehova?
1. Tunaweza kufanya nini juu ya kuonyesha kama tunamupenda Yehova?
Tunaonyesha kama tunamupenda Yehova wakati tunamutii. (Soma 1 Yohana 5:3.) Yehova hatukazake tumutii. Lakini, anatupatiaka uhuru wa kuchagula kama tutamutii ao hapana. Juu ya nini? Juu Yehova anapenda tukuwe “watiifu kutoka katika moyo.” (Waroma 6:17) Ni kusema, anapenda umutii, haiko juu unapaswa tu kumutii, lakini juu unamupenda. Sehemu ya 3 na ya 4 ya hii kitabu itakusaidia kujua namna unaweza kuonyesha kama unamupenda Yehova, ni kusema kwa kufanya mambo yenye inamufurahisha na kuepuka mambo yenye anachukia.
2. Juu ya nini inaweza kuwa nguvu kuonyesha kama tunamupenda Yehova?
“Magumu ya mwenye haki ni mengi.” (Zaburi 34:19) Juu hatukamilike, kila mutu iko na uzaifu wake wenye iko napiganisha. Tena, pengine tuko na magumu ya kupata makuta, tuko natendewa bila haki, ao tuko na magumu ingine. Wakati tuko na magumu, tunaweza kuona kama ni nguvu kufanya mambo yenye Yehova anatuomba. Ni vile juu inakuwaka mwepesi kufanya mambo yenye Yehova anachukia. Lakini wakati unajikaza kabisa kufanya mambo yenye Yehova anakuomba, utaonyesha kama unamupenda kupita mambo ingine yote. Tena, utaonyesha kama uko mushikamanifu kwake. Naye ataendelea kuwa mushikamanifu kwako. Hatakuacha hata kidogo.—Soma Zaburi 4:3.
TUJIFUNZE MAMBO MINGI ZAIDI
Tuone juu ya nini Yehova anafurahiaka wakati tunamutii, na tuone mambo yenye inaweza kutusaidia tuendelee kumutii.
3. Shetani anakushitaki
Kitabu ya Yobu inaonyesha kama Shetani alimushitaki Yobu, na watu wengine wote wenye wanapenda kumutumikia Yehova. Musome Yobu 1:1, 6–2:10, na kisha muzungumuzie hii maulizo:
Shetani alisema ni juu ya nini Yobu alikuwa namutii Yehova?—Ona Yobu 1:9-11.
Shetani anasema nini juu ya wanadamu wote, na juu yako?—Ona Yobu 2:4.
Musome Yobu 27:5b, na kisha muzungumuzie hii ulizo:
Yobu alifanya nini juu ya kuonyesha kama alimupenda kabisa Yehova?
Yobu alionyesha kama anamupenda Yehova kwa kuendelea kuwa mushikamanifu kwake
Tunaonyesha kama tunamupenda Yehova wakati tunaendelea kuwa washikamanifu kwake
4. Furahisha moyo wa Yehova
Musome Mezali 27:11, na kisha muzungumuzie hii maulizo:
Yehova anajisikiaka namna gani wakati tunatenda kwa hekima na wakati tunamutii? Juu ya nini?
5. Unaweza kuwa mushikamanifu kwa Yehova
Kumupenda Yehova kunatuchochea tuambie wengine juu yake. Juu tuko washikamanifu kwake, tuko tayari kufanya vile hata wakati haiko mwepesi. Muangalie VIDEO, na kisha muzungumuzie maulizo yenye kufuata.
Kuko wakati unaonaka kama ni nguvu kuambia wengine juu ya Yehova?
Vile uliona mu video, nini njo ilisaidia Grayson asikuwe naogopa kutetea imani yake?
Kama tunapenda mambo yenye Yehova anapenda na tunachukia mambo yenye anachukia, itakuwa mwepesi kuendelea kuwa washikamanifu kwake. Musome Zaburi 97:10, na kisha muzungumuzie hii maulizo:
Mupaka hapa, umejifunza mambo gani yenye Yehova anapendaka? Na anachukiaka mambo gani?
Nini njo itakusaidia upende mambo ya muzuri na uchukie mambo ya mubaya?
6. Tunapata faida wakati tunamutii Yehova
Kumutii Yehova kunaletaka tu faida. Musome Isaya 48:17, 18, na kisha muzungumuzie hii maulizo:
Unaamini kabisa kama kumutii Yehova kunatuleteaka tu faida? Juu ya nini?
Mupaka hapa, kujifunza juu ya Biblia na juu ya Yehova Mungu, kumekuletea faida gani?
WATU FULANI WANASEMAKA: “Hata tufanye mambo ya muzuri ao ya mubaya, Mungu hahangaike.”
Unaweza kutumia andiko gani juu ya kusaidia mutu aone kama mambo yenye tunafanyaka inaweza kumufurahisha Yehova ao kumuhuzunisha?
KWA KIFUPI
Tunaonyesha kama tunamupenda Yehova wakati tunamutii na wakati tunaendelea kuwa washikamanifu hata wakati wa magumu.
Maulizo ya kujikumbusha
Mufano wa Yobu unakufundisha nini?
Utafanya nini juu ya kuonyesha kama unamupenda Yehova?
Nini njo itakusaidia uendelee kuwa mushikamanifu kwa Yehova?
HABARI ZINGINE
Ona mambo yenye unaweza kufanya juu ukuwe mushikamanifu kwa Yehova na kwa kutaniko.
Ona mambo yenye Shetani alisema juu ya kushitaki wanadamu.
“Yobu Anaendelea Kuwa Mushikamanifu” (Biblia Iko na Habari Gani? sehemu ya 6)
Ona namna hata watoto wanaweza kuonyesha kama wanamupenda Yehova.
Namna gani kijana anaweza kuendelea kuwa mushikamanifu kwa Yehova hata wakati vijana wenzake wanamuchochea kufanya mambo yenye Yehova anachukia?