Mungu Anaweza Kukufariji

SABABU INAYOFANYA WATU FULANI WAWE NA MASHAKA: Hata wakati wana lazima sana ya kufarijiwa, watu fulani wanaona kuwa ni kutafuta faida zao wenyewe ikiwa wanamuomba Mungu aingilie magumu waliyo nayo na kuwasaidia wapambane nayo. Mwanamuke anayeitwa Raquel anasema hivi: “Ninapoona hesabu kubwa ya watu walio katika dunia na matatizo makubwa wanayopambana nayo, mahangaiko yangu yanaonekana kuwa madogo sana, na hilo linafanya nisite kumuomba Mungu musaada.”

MAMBO NENO LA MUNGU LINAFUNDISHA: Tayari Mungu amefanya jambo fulani la pekee ili kusaidia na kufariji wanadamu. Leo, kila mutu duniani ameriti zambi inayofanya tushindwe kutimiza kwa ukamili mambo Mungu anataka. Hata hivyo, Mungu ‘alitupenda akamutuma Mwana wake [Yesu Kristo] kuwa zabihu ya upatanisho kwa ajili ya zambi zetu.’ (1 Yohana 4:10) Kupitia kifo cha Yesu cha kujizabihu, Mungu alifanya iwezekane kwetu kupata musamaha wa zambi, zamiri safi, na tumaini la uzima wa milele katika dunia mupya yenye amani.a Lakini je, zabihu hiyo ni kwa ajili tu ya wanadamu wote kwa ujumla, ao inaonyesha kwamba Mungu anakuhangaikia wewe kipekee?

Fikiria mutume Paulo. Aliguswa moyo sana na zabihu ya Yesu na kwa hiyo akaandika hivi: ‘Ninaishi kwa imani ambayo ni kumuelekea Mwana wa Mungu, aliyenipenda mimi na kujitoa mwenyewe kwa ajili yangu.’ (Wagalatia 2:20) Kwa kweli, Yesu alikufa mbele Paulo awe Mukristo. Lakini, Paulo aliona zabihu hiyo kuwa ni zawadi ya Mungu kwake.

Kifo cha Yesu cha kujizabihu ni zawadi ya Mungu kwako pia. Zawadi hiyo inaonyesha kwamba Mungu anakuona kuwa wa maana sana. Inaweza kukupatia ‘faraja ya milele na tumaini njema’ na kwa hiyo ‘kukuimarisha katika kila tendo na neno njema.’—2 Wathesalonike 2:16, 17.

Lakini, Yesu alitoa uzima wake kuwa zabihu kumepita karibu miaka 2000. Kuna jambo linaloonyesha kwamba Mungu anapenda kukukaribia wewe leo?