Kusali Kunaweza Kukuletea Faida Gani?

Wakati Pamela alikuwa na ugonjwa wa kansere, alienda kuona munganga ili amusaidie. Lakini, alisali pia kwa Mungu ili kumuomba nguvu ya kuvumilia ugonjwa wake. Kusali kulimusaidia?

Pamela anafasiria hivi: “Wakati walikuwa wananitunza ugonjwa wangu wa kansere, mara mingi nilikuwa naogopa sana. Lakini wakati nilisali kwa Yehova Mungu, nilijisikia kuwa mwenye kutulia na niliweza kuvumilia ile ugonjwa bila kuogopa. Ninaendelea kusikia maumivu, lakini sala inanisaidia niendelee kuwa na mawazo yenye kufaa. Wakati watu wananiuliza namna ninajisikia ninasema, ‘sijisikie muzuri, lakini niko na furaha!’”

Hata hivyo, hatupaswe kuchunga wakati tunakuwa na ugonjwa hatari ao tatizo la nguvu njo tusali. Sisi wote tunakuwaka na magumu, ya nguvu ao hapana, na mara mingi tunakuwaka na lazima ya musaada ili tuweze kupambana nayo. Kusali kunaweza kutusaidia?

Biblia inasema hivi: “Umutupie Yehova muzigo wako, naye atakutegemeza. Hataruhusu hata kidogo mwenye haki aanguke.” (Zaburi 55:22) Ile ni maneno yenye kutia moyo sana! Sasa, sala inaweza kukuletea faida gani? Wakati unasali kwa Mungu mu njia yenye kufaa, atakupatia mambo yenye uko nayo lazima ili uweze kuvumilia magumu yako.—Ona kisanduku “Faida Mbalimbali za Kusali.”

Faida Mbalimbali za Kusali

Amani ya moyo

“Maombi yenu yajulishwe Mungu; na amani ya Mungu yenye kupita uelewaji wote italinda mioyo yenu na nguvu zenu za akili kupitia Kristo Yesu.” (Wafilipi 4:6, 7) Wakati unamuambia Mungu mahangaiko yako atakusaidia uendelee kuwa mwenye kutulia na utende kwa hekima wakati wa ile mahangaiko.

Hekima yenye kutoka kwa Mungu

“Kama mutu yeyote kati yenu anakosa hekima, aendelee kumuomba Mungu, kwa maana yeye anapatia wote kwa ukarimu na bila kulaumu, na atapewa hiyo.” (Yakobo 1:5) Wakati tuko na mukazo wa akili, siku zote hatukamatake maamuzi ya muzuri. Kama unaomba Mungu hekima, anaweza kukukumbusha kanuni mingi za kukusaidia zenye zinapatikana mu Neno lake, Biblia.

Nguvu na faraja

“Kwa mambo yote niko na nguvu kupitia ule mwenye ananipatia nguvu.” (Wafilipi 4:13) Juu Yehova ni Mungu mweza-yote anaweza kukupatia nguvu yenye uko nayo lazima, ili kupambana na magumu ao kukusaidia wakati wa ile magumu. (Isaya 40:29) Biblia inamuita pia Yehova “Mungu wa faraja yote.” Anaweza “kutufariji katika majaribu yetu yote.”—2 Wakorinto 1:3, 4.