‘yegōvaavai yaaraalum thadukka mudiyaadhu’

malaimēl oru purakkaaval padai. sutrilum varanda pagudhi, karadumuradaana nilapparappu. adhaiyē paartthu alutthuppōyirukkiraargal pelisthiya vīrargal. thidīrendru kīlē paartthaal, oru svaarasyamaana kaatchi! edhirppakkatthil irandu isravēlargal nirkiraargal! avargalai paartthu pelisthiya vīrargal bayandhupōgiraargalaa? illavē illai. avargalukku vēdikkaiyaagatthaan irukkiradhu. romba kaalamaagavē isravēlargal pelisthiyargalin kotthadimaigal pōlatthaanē irukkiraargal! vivasaaya karuvigalai thīttakkūda valiyillaamal pelisthiyargalin dhayavaitthaanē edhirpaartthu kondirukkiraargal! appadiyirukkumpōdhu, isravēl vīrargalidam enna aayudham irundhuvidappōgiradhu? adhuvum vandhiruppadhu irandē pēr! oruvēlai avargalidam aayudhangal irundhaalkūda, avargalaal appadiyenna peridhaaga seidhuvida mudiyum? adhanaal pelisthiya vīrargal ēlanamaaga, “mēlē ēri vaarungal, ungalukku sariyaana paadam pugattugirōm!” endru katthugiraargal.—1 saamuvēl 13:19-23; 14:11, 12.

paadam pugattatthaanpōgiraargal... aanaal pelisthiyargal alla, isravēlargal! andha irandu isravēlargalum vēgamaaga irangi ōdi, marupakkatthukku pōi, pelisthiyargal irundha malaimēl ēra aarambikkiraargal. malai rombavē sengutthaaga irukkiradhu. aanaalum, salaikkaamal thangal kai kaalgalaal ūrndhu mēlē ēri, purakkaaval padaiyai nerungugiraargal. (1 saamuvēl 14:13) ippōdhudhaan pelisthiyargal gavanikkiraargal... munnaal varugiravaridam aayudhangal irukkindrana, avarudaiya aayudhangalai sumakkiravan avarukku pinnaal varugiraan. orēvoru vīranai mattum kūttikkondu vandhu oru padaiyaiyē avar vīlttha paarkkiraaraa? avar enna paitthiyamaa?

illavē illai. kadavulmēl abaara nambikkai vaitthirundha oruvar avar! avarudaiya peyardhaan yōnatthaan. viruviruppaana avarudaiya kadhaiyilirundhu unmai kristhavargal niraiya paadangalai katrukkollalaam. indru naam yaarōdum pōr seivadhillai enbadhu unmaidhaan. aanaal, yōnatthaanidam katrukkolla etthanaiyō vishayangal irukkindrana. udhaaranatthukku, dhairiyam kaattuvadhil... unmaiyaaga iruppadhil... suyanalam illaamal nadandhukolvadhil... avar arumaiyaana udhaaranam! unmaiyaana visuvaasatthai valartthukkolla ippadippatta gunangaldhaan namakku thēvai.—ēsaayaa 2:4; matthēyu 26:51, 52.

unmaiyaaga irundha magan, dhairiyampadaittha vīrar

yōnatthaan edharkaaga andha purakkaaval padaiyai thaakka pōnaar enbadhai purindhukolla, mudhalil avarai patri konjam therindhukollalaam. isravēlin mudhal raajaavaana savulin mūttha magandhaan yōnatthaan. savul oru raajaavaaga abishēgam seiyappattapōdhu, yōnatthaanukku 20 vayadhu irundhirukkalaam, oruvēlai adharku adhigamaagakkūda irundhirukkalaam. appaavōdu avar migavum nerukkamaaga irundhaar endru therigiradhu. avarudaiya appaavum avaridam edhaiyum maraikkaamal pēsiyadhaaga therigiradhu. thannudaiya appaa uyaramaanavar, alagaanavar, vīradhīrar, mukkiyamaaga visuvaasatthukkum manatthaalmaikkum pērpōnavar endrellaam yōnatthaanukku theriyum. yegōvaa ēn thannudaiya appaavai raajaavaaga thērndhedutthirundhaar endrum avarukku theriyum. savulai pōla andha dhēsatthil yaarumē illai endru saamuvēl thīrkkadharisikūda solliyirundhaar.—1 saamuvēl 9:1, 2, 21; 10:20-24; 20:2.

thannudaiya appaavin thalaimaiyil yegōvaavin edhirigalukku virōdhamaaga pōr seivadhai ninaitthu yōnatthaan perumaippattiruppaar. andha pōrgal, dhēsappatrin kaaranamaaga indru nadakkum pōrgalai pōla irukkavillai. andru yegōvaa isravēlai thannudaiya dhēsamaaga thērndhedutthirundhaar; poi dheivangalai vanangiya matra dhēsatthu makkal isravēlargalai eppōdhum thaakkikkondē irundhaargal. udhaaranatthukku, thaagōnaiyum matra poi dheivangalaiyum vanangiya pelisthiyargal yegōvaavin makkalai adakki odukkavum olitthukkattavum adikkadi muyarchi seidhaargal.

adhanaal, yōnatthaanai pōndra visuvaasamulla aatkalukku, pōr seivadhu yegōvaavukku seiyum sēvaiyaaga irundhadhu. yōnatthaan eduttha muyarchigalai yegōvaa aasīrvadhitthaar. savul isravēlin raajaavaaga aana konja kaalatthil, 1,000 vīrargalukku thalaimaithaanga thannudaiya magan yōnatthaanai niyamitthaar. kebaavilirundha pelisthiya kaavalpadaiyai thaakka yōnatthaan andha vīrargalai kūttikkondu pōnaar. avargalidam pōdhiya aayudhangal irukkavillai; aanaalum, yegōvaavin udhaviyōdu yōnatthaan andha pōril jeyitthaar. udanē, pelisthiyargal periya padaiyai thirattikkondu vandhaargal. adhai kēlvippatta savulin vīrargal gadhikalangippōnaargal. silar ōdi olindhukondaargal. innum silar edhirigalōdukūda sērndhukondaargal! aanaal, yōnatthaan thannudaiya dhairiyatthai vittukkodukkavē illai.—1 saamuvēl 13:2-7; 14:21.

indha katturaiyin aarambatthil sollappatta naal vandhadhu. yōnatthaan thannudaiya aayudhangalai sumappavanai mattum kūttikkondu ragasiyamaaga kilambinaar. mikmaasil irundha pelisthiya purakkaaval padaiyai avargal nerungiyapōdhu, aayudhangalai sumappavanidam yōnatthaan thannudaiya thittatthai sonnaar. “naam andha pakkam pōi, avargal kannil padugira maadhiri nirkalaam. avargal nammidam, . . . ‘sandaikku vaarungal!’ endru sonnaal, naam ērippōgalaam. avargalai yegōvaa nam kaiyil koduppaar enbadharku idhudhaan adaiyaalam” endru sonnaar. aayudhangalai sumappavan adharku otthukkondaan. “yegōvaa ninaitthaal, avarudaiya janangalai konjam pērai vaitthum kaappaatra mudiyum niraiya pērai vaitthum kaappaatra mudiyum. avarai yaaraalum thadukka mudiyaadhu” endru yōnatthaan nambikkaiyōdu sonna vaartthaigal avanudaiya manadhai thottirukkalaam. (1 saamuvēl 14:6-10) yōnatthaan ēn avvalavu nambikkaiyōdu pēsinaar?

yōnatthaan thannudaiya kadavulai patri nandraaga therindhuvaitthirundhaar. edhirigalin ennikkai rombavē adhigamaaga irundha sandharppangalilkūda yegōvaa than makkalukku vetri thandhirukkiraarē! silasamayangalil, orēvoru nabarai payanpadutthikkūda vetri thandhirukkiraarē! (nyaayaadhibadhigal 3:31; 4:1-23; 16:23-30) adhanaal, kadavuludaiya ūliyargalin ennikkaiyō balamō aayudhangalō alla, avargaludaiya visuvaasamdhaan vetriyai thēdittharum enbadhu yōnatthaanukku therindhirundhadhu. andha visuvaasam irundhadhaaldhaan, edhirigalai thaakkuvadhaa vēndaamaa enbadhai yegōvaavē mudivu seiyumpadi yōnatthaan vittuvittaar. avar edhirpaarttha adaiyaalatthai yegōvaa kaattiyadhum, avar thunindhu kalatthil iranginaar.

yōnatthaanin visuvaasatthil palichidum irandu amsangalai gavaniyungal. mudhalaavadhaaga, than kadavulaagiya yegōvaamēl avarukku adhiga bayabakthi irundhadhu. thaan ninaitthadhai seidhu mudikka yegōvaa manidhargalai saarndhiruppadhillai endraalum, thanakku sēvai seigira unmaiyulla manidhargalai aasīrvadhippadhil avar sandhōshappadugiraar endra nambikkai yōnatthaanukku irundhadhu. (2 naalaagamam 16:9) irandaavadhaaga, ondrai seivadharku munbu, adhai seiyalaamaa vēndaamaa endru avar yegōvaavidam kēttu urudhi seidhukondaar. indru naamum, ondrai seiyalaamaa vēndaamaa endru yegōvaavidam kēttu therindhukolla virumbalaam; aanaal, ēdhaavadhu adaiyaalangal mūlam yegōvaa than mudivai solla vēndumendru naam edhirpaarppadhillai. ēnendraal, avarudaiya viruppam ennavendru naam therindhukolla avarudaiya sakthiyin thūndudhalaal eludhappatta mulu baibilaiyum avar namakku kodutthirukkiraar. (2 thīmōtthēyu 3:16, 17) adhanaal, mukkiyamaana mudivugalai eduppadharku munbu baibilai gavanamaaga alasi paarkkirōmaa? appadi seidhaal, yōnatthaanai pōl naamum, nammudaiya viruppatthaivida kadavuludaiya viruppatthaitthaan mukkiyamaaga ninaikkirōm enbadhai kaattuvōm.

yōnatthaanum avarudaiya aayudhangalai sumappavanum andha purakkaaval padaiyai thaakkuvadharku sengutthaana malaimēl ērinaargal. avargal thaakka varuvadhu appōdhudhaan pelisthiyargalukku purindhadhu. adhanaal, irandu pēraiyum thīrtthukkatta thangal vīrargalai anuppinaargal. andha vīrargal ivargalai sulabamaaga vīltthiyirukka mudiyum. ēnendraal, avargal niraiya pēr irundhaargal, adhuvum uyaratthil irundhaargal. aanaal, nadandhadhu vēru! pelisthiyargalai yōnatthaan vettikkondē pōnaar. avarudaiya aayudhangalai sumappavan avarukku pinnaal pelisthiyargalai kondrupōttukkondē vandhaan. sila nimidangalilēyē kittatthatta 20 pērai avargal vetti saaitthaargal! adhan piragu yegōvaa innoru vishayatthai seidhaar. baibil ippadi solgiradhu: “appōdhu, mugaamil irundha vīrargalum purakkaaval padaiyil irundha vīrargalum gadhikalangippōnaargal. sūraiyaada pōna pirivinargalumkūda bayandhu nadunginaargal. būmi adhira aarambitthadhu. kadavul avargal ellaaraiyum kulainadunga vaitthaar.”—1 saamuvēl 14:15.

pelisthiyargalukku matthiyil orē kūchalum kulappamumaaga irundhadhu; avargal oruvarai oruvar vetti saaikkavum aarambitthaargal. idhai savulum avarudaiya aatkalum dhūratthilirundhu paartthaargal. (1 saamuvēl 14:16, 20) udanē, dhairiyamaaga pōi pelisthiyargalai thaakkinaargal; avargalai thaakkuvadharku, setthu kidandha pelisthiyargalin aayudhangalai avargal oruvēlai edutthirukkalaam. andru yegōvaa than makkalukku abaara vetri thandhaar. adhēpōl indrum yegōvaa than makkalukku vetri tharugiraar. yōnatthaanaiyum, avarōdu pōna (peyar kurippidappadaadha) vīranaiyum pōlavē indru naamum yegōvaamēl visuvaasatthai kaattinaal, orupōdhum adharkaaga varutthappada maattōm.—malkiyaa 3:6; rōmar 10:11.

“avar kadavuludaiya thunaiyōdudhaan pōr seidhaar”

yōnatthaanukku, andha vetri yegōvaavin aasīrvaadhatthaal kidaittha vetriyaaga irundhadhu; aanaal, savulukku appadi illai. ēnendraal, savul periya thavarugalai seidhirundhaar. udhaaranatthukku, yegōvaa thērndhedutthirundha thīrkkadharisiyaana saamuvēlin pēchai avar kētkavillai; oru lēviyaraaga saamuvēl seluttha vēndiyirundha baliyai savul selutthivittaar. ippadi kīlppadiyaamal pōnadhaal savulin aatchi nīdikkaadhu endru saamuvēl sollivittaar. savul innoru thavaraiyum seidhirundhaar. than vīrargalai pōrukku anuppiyapōdhu, “naan ennudaiya edhirigalai palivaangi thīrumvarai porutthirukkaamal saayangaalatthukku munbē unavu saappidugira evanum sabikkappattavan!” endru muttaalthanamaaga aanaiyittu solliyirundhaar.—1 saamuvēl 13:10-14; 14:24.

savul niram maara aarambitthuvittaaraa? panivōdum bayabakthiyōdum irundhavarukku ‘naan’ endra aanavam vandhuvittadhaa? vandhuvittadhaagatthaan avarudaiya vaartthaigal kaattugindrana. dhairiyasaaligalaagavum kadina ulaippaaligalaagavum irundha vīrargalidam nyaayamillaadha andha kattalaiyai kodukkumpadi savulidam yegōvaa sollavē illaiyē! adhōdu, “naan ennudaiya edhirigalai palivaangi thīrumvarai” endru savul sonnadhai vaitthu paarkkumpōdhu, andha pōr avarudaiyadhu endra ninaippu avarukku vandhuvittadhō? yegōvaavin nīdhidhaan mukkiyam, thanakku pugal sēruvadhum, thanakku vetri kidaippadhum, thaan palivaanguvadhum mukkiyam alla enbadhai avar marandhuvittaarō?

saappida kūdaadhendru savul than vīrargalidam muttaalthanamaaga aanaiyittu solliyirundhadhu yōnatthaanukku theriyavillai. pōr seidha kalaippil avar thannudaiya kōlai oru thēnkūttil kutthi, konjam thēnai edutthu saappittaar. udanē avarukku thembu kidaitthadhu. aanaal, edhaiyum saappida kūdaadhendru avarudaiya appaa kattalai pōttirundha vishayatthai oru vīran appōdhu sonnaan. adharku yōnatthaan, “ennudaiya appaavaal janangalukku evvalavu kashtam! konjam thēn saappittadharkē naan evvalavu thembaaga irukkirēn endru paarungal. appadiyirukkumpōdhu, edhirigalidam kaippatriya aadumaadugalai vīrargal vayiraara saappittirundhaal innum etthanai pelisthiyargalai vetti kuvitthirukkalaam!” endru sonnaar. (1 saamuvēl 14:25-30) avar sonnadhil nyaayam irundhadhu. avar than appaavukku unmaiyaaga irundhaardhaan, adharkaaga than appaa sonnadhaiyellaam alladhu seidhadhaiyellaam avar kanmūditthanamaaga ētrukkollavillai. ippadi nadandhukondadhaal, matravargaludaiya madhippumariyaadhaiyai sambaadhitthaar.

yōnatthaan thannudaiya kattalaiyai mīriyadhai patri savul kēlvippattaar. appōdhukūda, thannudaiya kattalai evvalavu muttaalthanamaanadhu enbadhai avar purindhukollavillai. sollappōnaal, than maganukku marana dhandanai kodukka ninaitthaar! yōnatthaan nyaayam kēttu vaadhaadavillai, irakkam kēttu kenjavum illai. adharku badhilaaga, suyanalamē illaamal, “ippōdhu naan saaga thayaar!” endru sonnaar. aanaal isravēlargal avarukkaaga parindhu pēsinaargal. “isravēlargalukku ivvalavu periya vetriyai thēdi thandha yōnatthaan saaga vēndumaa? kūdavē kūdaadhu! idhu uyirulla kadavulaagiya yegōvaamēl aanai, yōnatthaanin thalaiyilirundhu oru mudikūda kīlē vila kūdaadhu. indraikku avar kadavuludaiya thunaiyōdudhaan pōr seidhaar” endru sonnaargal. adhai kēttu savul manam maarinaar. ippadi, “andha vīrargal yōnatthaanin uyirai kaappaatrinaargal.”—1 saamuvēl 14:43-45.

yōnatthaanin dhairiyamum, kadina ulaippum, suyanalamatra manappaanmaiyum avarukku nalla peyarai vaangitthandhana. andha nalla peyar, aabatthil avarukku kaikodutthadhu. indru naam eppadippatta peyar edukkirōm enbadhai patri nandraaga yōsitthu paarkka vēndum. nalla peyar adhiga madhippulladhu endru baibil solgiradhu. (prasangi 7:1) yōnatthaanai pōlavē naamum yegōvaavidam nalla peyar edukka vēndum. adhudhaan namakku kidaikkum miga periya pokkisham.

sīralindhukondē pōna subaavam

savul thavarugal seidhapōdhum, yōnatthaan oru maganaaga than kadamaiyai unmaiyōdu seidhuvandhaar; pōr seiya pala varushangalaaga than appaavukku thōlkodutthu udhavinaar. aanaal, thannudaiya appaa aanavatthōdu kadavuludaiya pēchai mīri nadakka aarambitthapōdhu yōnatthaanukku evvalavu vēdhanaiyaaga irundhirukkum! avarudaiya appaavin subaavam sīralindhukondē pōnadhu. adhai thadukka yōnatthaanaal edhuvum seiya mudiyavillai.

amalēkkiyargalai edhirtthu pōr seiyumpadi savulukku yegōvaa kattalai kodutthapōdhu, prachinai uchakkattatthai ettiyadhu. amalēkkiyargal akkiramam seivadhil ūrippōyirundhadhaal, avargaludaiya dhēsam aliyum endru mōsēyin kaalatthilēyē yegōvaa solliyirundhaar. (yaatthiraagamam 17:14) indha sandharppatthil yegōvaa savulidam, amalēkkiyargaludaiya ellaa kaalnadaigalaiyum avargaludaiya raajaa aagaagaiyum kondrupōdumpadi sonnaar. andha pōril savulukku vetri kidaitthadhu; yōnatthaan eppōdhumpōl thannudaiya appaavin thalaimaiyil dhairiyamaaga pōr seidhiruppaar enbadhil sandhēgamē illai. aanaal, savul thunichalōdu yegōvaavin kattalaiyai mīrinaar. aagaagaiyum tharamaana kaalnadaigalaiyum alikkaamal vittuvittaar. adhanaal, saamuvēl thīrkkadharisi yegōvaavin dhandanai thīrppai savulidam sonnaar. “yegōvaavin kattalaiyai nī odhukkitthallivittaai, adhanaal raajaavaaga illaadhapadi avar unnai odhukkitthallivittaar” endru sonnaar.—1 saamuvēl 15:2, 3, 9, 10, 23.

konja naalilēyē, savulidamirundhu yegōvaa thannudaiya sakthiyai edutthuvittaar. yegōvaavin anbum aadharavum illaadhadhaal savulin mananilai thidīr thidīrendru maariyadhu, avar adikkadi kōbatthil erindhuvilundhaar, bayatthil nadunadunginaar. ketta sindhai avarai aattippadaikka kadavul vittuvittaar. (1 saamuvēl 16:14; 18:10-12) orukaalatthil thangamaanavaraaga irundha than appaa indhalavukku sīralindhupōnadhai paartthu yōnatthaan endhalavu thudithuditthiruppaar! aanaalum, yegōvaavukku unmaiyōdu sēvai seivadhai yōnatthaan nirutthavē illai. avar mudindhavarai than appaavukku thōlkodutthu udhaviyadhum, silasamayangalil avaridam miga velippadaiyaaga pēsiyadhum unmaidhaan. aanaal, endrum maaraadha than kadavulum thagappanumaana yegōvaavukkutthaan eppōdhumē mukkiyatthuvam kodutthaar.—1 saamuvēl 19:4, 5.

nīngal nēsikkum oruvar, oruvēlai ungaludaiya kudumba angatthinar, ketta valiyil pōi sīralindhupōvadhai nīngal paartthirukkirīrgalaa? adhu nenjai piliyum sōgamaana vishayam enbadhil sandhēgamē illai. yōnatthaanin udhaaranam, pirpaadu dhaavīdhu eludhiya vaartthaigalai nam nyaabagatthukku konduvarugindrana. “ennudaiya appaavum ammaavum ennai kaivittaalum, yegōvaa ennai sērtthukkolvaar” endru avar eludhinaar. (sangīdham 27:10) yegōvaa ungalaiyum sērtthukkolvaar. ungalaal karpanaiyē seiya mudiyaadha alavukku arumaiyaana appaavaaga iruppaar. avar than makkalai kaividavē maattaar. paava iyalbulla manidhargal ungalai kaivittuvittaalum sari, ungalukku ēmaatram thandhaalum sari, yegōvaa eppōdhum ungalukku thunaiyaaga iruppaar.

raajaavaaga iruppadharku savulai ini yegōvaa anumadhikka maattaar enbadhu yōnatthaanukku anēgamaaga theriyavandhirukkum. appōdhu yōnatthaan enna ninaitthiruppaar? ‘naan raajaavaanaa, en appaa maadhiri nadandhukka kūdaadhu. appaa senja thappayellaam sariseiyanum. kadavulōda pēcha kēttu nadakkara nalla raajaavaa irukkanum’ endrellaam ninaitthiruppaaraa? avar unmaiyil enna ninaitthiruppaar endru namakku theriyaadhu. aanaal, appadippatta aasaigal niraivēra vaaippillai endru mattum namakku theriyum. appadiyendraal, unmaiyulla andha manidharai yegōvaa kaivittuvittaar endru artthamaa? illavē illai. sollappōnaal, inaipiriyaadha natpukku miga sirandha udhaaranamaaga irukkum baibil kadhaapaatthirangalil avarum idamperumpadi yegōvaa seidhirukkiraar. yōnatthaanai patriya aduttha katturaiyil andha natpai patri naam vivaramaaga paarppōm.