37 பெசலெயேல்+ வேல மரத்தால் ஒரு பெட்டியைச்+ செய்தார். அதன் நீளம் இரண்டரை முழமும்* அதன் அகலம் ஒன்றரை முழமும் அதன் உயரம் ஒன்றரை முழமுமாக இருந்தது.+ 2 அதன் உள்ளேயும் வெளியேயும் சுத்தமான தங்கத்தால் அவர் தகடு அடித்தார். அதன் விளிம்பைச் சுற்றிலும் தங்கத்தால் அலங்கார வேலைப்பாடு செய்தார்.+ 3 பின்பு, தங்கத்தால் நான்கு வளையங்களை வார்த்து, பெட்டியின் நான்கு கால்களுக்கு மேலேயும் பொருத்தினார். இரண்டு வளையங்களை ஒரு பக்கத்திலும், மற்ற இரண்டு வளையங்களை இன்னொரு பக்கத்திலும் பொருத்தினார். 4 அடுத்ததாக, வேல மரத்தில் கம்புகள் செய்து, அவற்றுக்குத் தங்கத்தால் தகடு அடித்தார்.+ 5 பெட்டியைத் தூக்கிக்கொண்டு போவதற்கு வசதியாக, அதன் இரண்டு பக்கங்களிலும் இருந்த வளையங்களில் அந்தக் கம்புகளைச் செருகி வைத்தார்.+