29 அப்போது நான் உங்களிடம், ‘அவர்களை நினைத்துத் திகிலடையாதீர்கள், பயப்படாதீர்கள்.+ 30 உங்கள் கடவுளாகிய யெகோவா உங்கள் முன்னால் போய், உங்கள் கண்ணெதிரே+ எகிப்தியர்களோடு போர் செய்தது போல இப்போதும் உங்களுக்காகப் போர் செய்வார்.+

4 அதனால், அவர்கள் எல்லாரும் படைகளைத் திரட்டிக்கொண்டு வந்தார்கள். கடற்கரை மணலைப் போல ஏராளமானவர்கள் கணக்குவழக்கில்லாத குதிரைகளோடும் போர் ரதங்களோடும் திரண்டு வந்தார்கள்.

6 அப்போது யெகோவா யோசுவாவிடம், “அவர்களுக்குப் பயப்பட வேண்டாம்,+ நாளைக்கு இந்த நேரத்தில் அவர்கள் எல்லாரையும் உன் கையில் கொடுப்பேன். அவர்களை உன்னுடைய வாளுக்குப் பலியாக்குவேன். நீ அவர்களுடைய குதிரைகளை நொண்டியாக்கி*+ ரதங்களை நெருப்பில் சுட்டெரிக்க வேண்டும்” என்று சொன்னார்.

7 அவர்களிடம், “தைரியமாகவும் உறுதியாகவும் இருங்கள். அசீரிய ராஜாவையும் அவனோடு வந்திருக்கிற பெரிய படையையும் பார்த்துப் பயப்படாதீர்கள்,+ திகிலடையாதீர்கள். அவனோடு இருக்கிறவர்களைவிட நம்மோடு இருக்கிறவர்கள் அதிகம்.+ 8 சாதாரண மனிதர்கள்தான் அவனுக்குத் துணையாக இருக்கிறார்கள், நமக்கோ, நம்முடைய கடவுளான யெகோவா துணையாக இருக்கிறார்; அவர் நமக்காகப் போர் செய்வார்”+ என்று சொல்லி ஊக்கப்படுத்தினார். யூதா ராஜாவான எசேக்கியா சொன்னதைக் கேட்டதும் அவர்களுக்குத் தைரியம் வந்தது.+