பழைய பத்திரிகைகளைப் பயன்படுத்துங்கள்

பழைய பத்திரிகைகளை அப்படியே வைத்திருந்தால் அல்லது தூக்கிப் போட்டால் யாருக்குமே பிரயோஜனமில்லை. அதனால், ஆர்வம் காட்டுகிறவர்களுக்கு அதைக் கொடுக்கலாம். ஒரு பத்திரிகையாவது, படிப்பவரின் ஆர்வத்தைத் தூண்டி, யெகோவாவை கடவுளாக ஏற்றுக்கொள்ள வழிசெய்யலாம். (ரோ. 10:13, 14) பழைய பத்திரிகைகளைப் பயன்படுத்த இதோ சில வழிகள்:

• அடிக்கடி ஊழியம் செய்யப்படாத இடங்களில், பூட்டப்பட்ட வீடுகளைப் பார்த்தால் பத்திரிகையை யார் கண்ணிலும்படாமல் வைத்துவிட்டு வரலாம்.

• பேருந்து நிலையம், ரயில் நிலையம் போன்ற இடங்களில் பொது ஊழியம் செய்யும்போது, “பத்திரிகைகளை படிப்பீங்களா?” என்று கேளுங்கள். ஒருசில பழைய பத்திரிகைகளைக் காட்டி, பிடித்ததை எடுத்துக்கொள்ளச் சொல்லுங்கள்.

• உங்கள் பிராந்தியத்திலுள்ள மருத்துவமனை, அழகு நிலையம் போன்ற இடங்களுக்குப் போகும்போது, அங்குள்ள வரவேற்பறையில் பழைய பத்திரிகைகள் சிலவற்றை வைக்கலாம். ஆனால், அனுமதி பெற்று வைப்பது நல்லது. ஏற்கெனவே நம்முடைய பத்திரிகைகள் அங்கு நிறைய இருந்தால், கூடுதலாக வைக்காதீர்கள்.

• மறுசந்திப்புக்குத் தயாரிக்கும்போது, அவருக்கு எந்த விஷயங்கள் பிடிக்கும் என்பதை யோசித்துப் பாருங்கள். அவர் குடும்பஸ்தரா? சுற்றுலா பிடிக்குமா? தோட்ட வேலையில் ஆர்வமா? பழைய பத்திரிகைகளைக் கொஞ்சம் புரட்டிப் பாருங்கள். அவருக்கேற்ற கட்டுரையைக் கண்டுபிடித்துக் கொடுங்கள்.

• ஆர்வம் காட்டிய ஒருவரை பல முயற்சிகளுக்குப் பிறகு சந்தித்தால், இடையில் எந்தெந்த பத்திரிகைகள் அவருக்குக் கிடைக்கவில்லையோ அவற்றைக் காட்டுங்கள்.