எல்லாருக்கும் அழைப்பிதழைக் கொடுங்கள்

1. மாநாட்டிற்கான அழைப்பிதழை எப்போது கொடுக்க ஆரம்பிப்போம்?

¹ “நிறைய செலவு செஞ்சு, ஒரு பெரிய விருந்துக்கு ஏற்பாடு செய்றீங்க. ரொம்ப கஷ்டப்பட்டு ஒவ்வொரு ஏற்பாட்டையும் செய்றீங்க. அப்படினா, அந்த விருந்தில கலந்துக்க, உறவினர்களையும் நண்பர்களையும் எவ்ளோ ஆர்வமா கூப்பிடுவீங்க!” அதேபோல், யெகோவாவும் ஒரு ‘பெரிய விருந்தை’ ஏற்பாடு செய்திருக்கிறார். அதுதான் மூன்றுநாள் மாநாடு. இந்த மாநாட்டையும் நிறைய முயற்சி எடுத்து தயாரித்திருக்கிறார்கள். மாநாட்டிற்கு மூன்று வாரம் முன்பிருந்தே எல்லாருக்கும் அழைப்பிதழை கொடுக்க ஆரம்பிப்போம். அழைப்பிதழை எப்படி ஆர்வமாகக் கொடுக்கலாம்?

2. நாம் ஏன் நிறைய பேரை மாநாட்டிற்கு அழைக்க வேண்டும்?

² நம் வாழ்க்கைக்குத் தேவையான நிறைய நல்ல விஷயங்களை மாநாட்டில் யெகோவா நமக்குக் கற்றுக்கொடுக்கிறார். (ஏசா. 65:13, 14) இதையெல்லாம் மற்றவர்களும் தெரிந்துகொள்ள வேண்டும் என்று நாம் ஆசைப்பட்டால் முடிந்தவரை எல்லாரையும் மாநாட்டிற்கு அழைப்போம். ஒவ்வொரு வருடமும் அழைப்பிதழைக் கொடுப்பதற்காக நாம் எடுக்கும் முயற்சிகளுக்கு நல்ல பலன்கள் கிடைக்கின்றன. (“நிச்சயம் பலன் கிடைக்கும்!” என்ற பெட்டியைப் பாருங்கள்.) நாம் கூப்பிடுகிற எல்லாரும் மாநாட்டிற்கு வராமல் போகலாம். ஆனால், சிலராவது நிச்சயம் வருவார்கள். அப்படியே யாரும் வரவில்லை என்றாலும் நாம் எடுக்கும் முயற்சி யெகோவாவுக்குப் புகழ் சேர்க்கும். ஏனென்றால், எல்லாரும் யெகோவாவைப் பற்றி தெரிந்துகொள்ள வேண்டும் என்று அவர் ஆசைப்படுகிறார்.—சங். 145:3, 7; வெளி. 22:17.

3. அழைப்பிதழை எப்படியெல்லாம் கொடுக்கலாம்?

³ சபை ஊழியம் செய்ய வேண்டிய இடங்களில் அழைப்பிதழைக் கொடுத்து முடிக்க மூப்பர் குழு ஏற்பாடு செய்ய வேண்டும். பூட்டியிருக்கும் வீடுகளில் அழைப்பிதழை வைக்கலாமா பொது ஊழியத்தில் கொடுக்கலாமா என்பதையும் அவர்கள் முடிவு செய்வார்கள். சனி-ஞாயிறுகளில் பத்திரிகையோடு சேர்த்து அழைப்பிதழைக் கொடுக்கலாம். அப்படிச் செய்தால், அழைப்பிதழை ஆர்வமாகக் கொடுக்க நாம் எடுத்த எல்லா முயற்சியையும் நினைத்து ரொம்ப சந்தோஷப்படுவோம். யெகோவா ஏற்பாடு செய்த விருந்திற்கு நிறைய பேரை அழைத்ததை நினைத்தும் சந்தோஷப்படுவோம்.

நிச்சயம் பலன் கிடைக்கும்!

பல வருடத்திற்கு முன் ஒரு சகோதரிக்கு கிடைத்த அனுபவத்தைக் கவனியுங்கள். மாநாட்டிற்கான அழைப்பிதழை அந்த சகோதரி ஆர்வமாக நிறைய பேருக்கு கொடுத்தார். “யெகோவாவின் சாட்சிகள் எவ்வளவோ முயற்சி எடுத்து எல்லாருக்கும் அழைப்பிதழை கொடுக்கிறாங்க, யாராவது மாநாட்டுக்கு வருவாங்களா?” என்று அவர் யோசித்தார். சனிக்கிழமை, மாநாட்டில் சீக்கிய மதத்தை சேர்ந்த ஒருவர் அந்த சகோதரி பக்கத்தில் உட்கார்ந்திருந்தார். அவரிடம் அந்த சகோதரி பேசினார். மாநாட்டு அழைப்பிதழ் கிடைத்ததால் அந்த நபர் மாநாட்டிற்கு வந்ததாக சொன்னார். அவர் கேட்ட எல்லா கேள்விகளுக்கும் நம் சகோதரி பதில் சொன்னார். மாநாட்டின் ஒவ்வொரு நிகழ்ச்சியும் அந்த நபருக்கு ரொம்ப பிடித்திருந்தது. யெகோவாவின் சாட்சிகள் நடந்துகொண்ட விதம்... அவர்களுடைய உடை... எல்லாவற்றையும் பார்த்து ரொம்பவே ஆச்சரியப்பட்டார். பிறகு, நம் சகோதரி பக்கத்தில் உட்கார்ந்திருந்த ஒரு தம்பதியிடம் பேச்சு கொடுத்தார். அவர்களும் மாநாட்டிற்கு புதிதாக வந்திருந்தார்கள். அவர்களும் அழைப்பிதழைப் பார்த்து வந்திருக்கிறார்கள். அவர்கள் பஸ்ஸில் பயணம் செய்து மாநாட்டிற்கு வந்திருக்கிறார்கள். எல்லா நிகழ்ச்சியும் அவர்களுக்கு ரொம்ப பிடித்திருந்தது. அதனால், ஞாயிற்றுக்கிழமையும் வர வேண்டும் என்று நினைத்தார்கள். அழைப்பிதழ்களைக் கொடுப்பதால் எவ்வளவு நன்மை என்று அந்த சகோதரி புரிந்துகொண்டார்.
ஒழுங்கான பயனியர்களாக இருக்கும் கணவன்-மனைவி வயதான ஒரு தம்பதியை மாநாட்டில் பார்த்தார்கள். அந்தத் தம்பதி மாநாட்டிற்கு முதல்முறை வந்ததாகச் சொன்னார்கள். “உங்களுக்கு யார் அழைப்பிதழ் கொடுத்தாங்க?” என்று கேட்டார்கள். “நாங்க ஒருநாள் வீட்ல இல்ல. ஆனா, திரும்பி வந்தப்போ, வீட்டு வாசல்ல ஒரு அழைப்பிதழ் இருந்தது” என்று சொன்னார்கள். அந்த அழைப்பிதழைப் படித்து அதில் இருந்த கூப்பனைகூட நிரப்பி அனுப்பியிருக்கிறார்கள். மாநாட்டில் சில சகோதர சகோதரிகள் அவர்களுக்கு மதிய உணவு கொடுத்தார்கள். மாநாடு அவர்களுக்கு ரொம்ப பிடித்திருந்தது. அதனால், அடுத்த நாளும் வர நினைத்தார்கள். பிறகு, அந்தத் தம்பதியை வீட்டில் சந்தித்து பைபிள் படிப்பு ஆரம்பிக்க ஏற்பாடு செய்யப்பட்டது.