LECCIONI 03
¿ʼLa bijchiboa napu aní alué Biblia?
Alé Bíbliachi uchúkame weʼká rejcholi abiena aní tábiri api Onorúgame pe aʼminana ʼsímala. Kerékó mué machinali napu alué Biblia aní, nobi mué ʼnata ¿tachiri aní?, ¿bijchiá aní? ¿ʼLa bijchiá aní bilé líburu oʼchérame? ¿ʼLa bijchiá aní alué Biblia, ʼwe ganíliga mochiwa jipe ʼlige pe aʼminana? Weʼká ralámuli ʼla bijchigi. ¿Chonigá alarigá ʼnata? ¿Mueka ʼla machinali? Eʼnewa.
1. ¿ʼLa ikírale napu aní alué Biblia?
Alué Biblia aní boʼné uchúkame «raʼíchali bijchiá» api ʼwe aʼlá oserúgame nile (Eclesiastés 12:10). Alué Biblia raʼicha alué ralámuli api ʼwe ʼya ejperégame ʼlige alué tábiri api ʼla ikírale (leériwa Lucas 1:3 ʼlige 3:1, 2). Napuʼlige alué Biblia ramí beniri napu ʼwe ʼya ikírale aní chieri netele, chiéniko ʼlige churigá.
2. Alué Biblia ju bilé líburu oʼchérame, ¿chonigá bijchígaru napu aní?
Napuʼlige osale alué Biblia, alué ralámuli taʼchó machígame nile weʼká tábiri api alué Bíbliachi ʼma anígame nile. Alué Biblia aní napurigá alué ciencia. Nobi weʼká ralámuli ʼnátame nile napu alué Biblia tabilé bijchiá anígame nile. Jipe napu alué ciencia ʼma machí, beniri api alué Biblia ʼla bijchiá anígame nile. Alué Onorúgame nila raʼíchali «bijchiá ju jipe ʼlige nabí rawé» (Salmo 111:8).
3. ¿Chonigá bijchígaru napu alué Biblia aní api pe aʼminana ikimela?
Alué Bíbliachi uchúkame weʼká tábiri api Onorúgame anile api pe aʼminana ikimela raʼíchame «alué tábiri api tabilé ʼcho newárigame ju» (Isaías 46:10). ʼWe ʼya anile weʼká tábiri churigá nímala ʼlige alarigá simírale. Abiena anile alué tábiri api jipe rawé simíriame jena gawichí. Ye leccioni beniboa jaré tábiri api Onorúgame anile api pe aʼminana ikimela, abéchigó beniboa Onorúgame tabilé siné ʼyégame ju.
ABÉ BENIBOA
Eʼnewa churigá alué Biblia beniri aʼchigóriga napurigá alué ciencia beniri ʼlige beniboa ʼwe najtékame tábiri api Onorúgame anile pe aʼminana ikimela.
4. Alué ciencia beniri napu aní alué Biblia
ʼWe ʼya, weʼká ralámuli bijchígime nile api alué gawí bilé tábiri amoba ajtígame nile. Eʼnewa alué VIDEO.
ʼWe ʼya 3.500 bamí osale alué líburu Job aniliame. Leériwa Job 26:7 ʼlige raʼichawa ye:
¿Chonigá mayé mué tabilé wijchime ju gawí alué Biblia aní alué gawí pe oʼwina «tabilé tábirite» chaʼpirúgame chujkú?
Yabé oká ciento bamí ʼwe aʼlá beniri ralámuli napu uʼkume alué bawí wijchime ju wijchí, ku oʼwime ju ʼlige ku nolí gayéname ju. Alué Bíbliaka ʼma yabé ruwile. Ye ju ciclo del agua aniliame. Alué ralámuli ʼma machile ye bajchibé 3,000 bamí simírisa alué Biblia ʼma anígame nile. Leériwa Job 36:27, 28 ʼlige raʼichawa ye:
¿Tachiri galé mué ye raʼíchali alué ciclo del agua aniliame?
¿Ye textos guʼiri mué apirigá ʼla bijchigi napu aní alué Biblia?
5. Alué Biblia ʼwe ʼya anile tábiri najtékame api pe aʼminana ikimela
Leériwa Isaías 44:27–45:2 ʼlige raʼichawa ye:
ʼYa 200 bamí taʼchó uché jaré ralámuli neyúrigame nile Babilonia, ¿tachiri anile alué Biblia chu ikimela?
Alué líburu oserúgame uché jaré riote ruwí napu alé bamí 539 taʼchó ochérachi Esusi, bilé rió selígame napu Persia bejtégame nile Ciro rewégame ʼlige boʼné sontalo, neyúrile alué ciudad Babilonia anilichi. Bajchá, alué bawí repume nile alué ciudad, Ciro naule uché jarena. Bajchibé, alué yochi Babilonia iʼpúrigame nile, alarigá bajkile ʼlige neyúrile tabilé najkó. Jipe ʼma simárile abé 2.500 bamí api alarigá nile, ʼlige jipe rawé Babilonia gajunárigame ju pe rejté namó mochí. Jipe beniboa napu ʼwe ʼya anile alué Biblia.
Leériwa Isaías 13:19, 20 ʼlige raʼichawa ye:
¿Churigá ʼla ikírale napu anile alué Biblia?
Weʼká rejté namó mochí alé Babilonia, alé Irak
6. Alué Biblia ʼwe ʼya anile alué tábiri api jipe ʼma simíriame
Alué Biblia aní api yaʼmá mochiru «nujubapi rawé» (2 Timoteo 3:1, TNM). Eʼnewa napu anile api ikimela jipe rawé.
Leériwa Mateo 24:6, 7 ʼlige raʼichawa ye:
¿Tachiri anile alué Biblia churigá nímala alué nujubapi rawé?
Leériwa 2 Timoteo 3:1-5 ʼlige raʼichawa ye:
¿Tachiri anile alué Biblia churigá nímala alué ralámuli alé nujubapi rawé?
Napurigá aní alué texto, ¿churigá ju alué ralámuli jipe?
JARÉ RALÁMULI ANÍ: «Napu aní alué Biblia ʼyégali ju».
¿Chonigá mayé mué api alué Biblia ʼla bijchiá beniri?
ABÉ NAJTÉKAME
Alué ciencia, napu ʼwe ʼya ikírale ʼlige napu ʼwe ʼya anile Onorúgame pe aʼminana ikimela beniri api ʼla ikiru bijchigi napu aní alué Biblia.
Api mué ʼma benile
¿Alué Biblia ju bilé líburu api bijchiá aní o ʼyégali aní?
¿Tachiri beniri alué ciencia api alué Biblia abéchigó beniri?
¿Mueka ʼla bijchigi alué Biblia aní napu pe aʼminana ikimela? ¿Chonigá alarigá ʼnata?
UCHÉ RAJPÉ ʼYÁAWA
Alarigá napurigá aní alué ciencia, ¿alué Biblia ʼla bijchiá ju?
«¿Beniri alué Biblia alarigá napurigá alué ciencia beniri?» (Artículo de jw.org)
¿Tachiri beniri api ejperégame «nujubapi rawé»?
Bení churigá napu ʼwe ʼya Onorúgame anile api pe aʼminana ikimela alué pueblo griego alarigá ikírale.
«Napu Onorúgame ʼwe ʼya anile api pe aʼminana ikimela» nejkuri (5:22)
Bilé rió tabilé aʼlá ʼnátame nile alué Biblia, ¿churigá guʼírile napu ʼwe ʼya anile alué Biblia pe aʼminana ikimela? Eʼnewa.
«Ne tabilé bijchígime nile Onorúgame» (La Atalaya, núm. 5 2017)