LECCIONI 15
¿Chieri ju Esusi?
Esusi ju bilé ralámuli ʼwe machirúgame jena gawichí. Nobi, weʼká ralámuli machime boʼné rewalá, pe uʼkabi ralámuli machime ju boʼné, ʼlige weʼká mayeme ju, ʼnátame ju seʼwináriga chieri ju Esusi ʼla bijchiá. ¿Tachiri beniri alué Biblia boʼné?
1. ¿Chieri ju Esusi?
Esusi ju bilé espíritu aʼwágame ʼpa rewágachi bejtégame. Jeobá newale bajchá taʼchó newá ujché jaré. Alekeri aniliame ju «bajchá newáriame napu ju ujché jaré tábiri» (Colosenses 1:15, TNM). Alué Biblia anime ju alué Esusi «Biʼlepi Inolá» Onorúgame, napugiti boʼné biʼneli newáriame ju tabilé ujché jaré guʼírile (Juan 3:16, TNM). Esusi ʼwe nóchale aʼbeka boʼné Oʼnola si, Jeobá, guʼíriga newá ujché jaré (leériwa Proverbios 8:30). Abijí okánika ʼwe napuíka mochí. Esusi ju «alué Raʼíchali», aniame ju, napu Onorúgame anime napu boʼné animela (Juan 1:14, TNM).
2. ¿Chonigá nawale Esusi jena gawichí?
ʼWe ʼya 2.000 bamí, Jeobá unele boʼné aʼwalila apirigá newá bilé milagro: ajchale Esusi ajalila, alué ánjeli aʼwágame, rojpachí bilé iwé judía María aniliame. Cheliérabá alué, arigá Esusi ochérale apirigá bilé ralámuli (leériwa Lucas 1:34, 35). Boʼné nawale jena Wijchimoba apirigá nímala Kristo, o alué Mesías napu nolíname, ʼlige apirigá neyúrimala alué ralámuli.a ʼWe ʼya napu anime nile alué Biblia napu raʼíchame ju alué Kristo anime ʼla simírale. Arigá guʼírale alué ralámuli apirigá machimela alué «Kristo, ju Onorúgame Inolá» (Mateo 16:16).
3. ¿Koche ajtí Esusi jipe?
Napu Esusi mukule, ku ajánale apirigá bilé espíritu ʼlige ku roʼile ʼpa rewagachi. Alé Onorúgame «ʼwe najtékame newale alué Esusi rewalá» (Filipenses 2:9). Jipe Esusi ʼwe najtékame ju; nobi biʼneli Jeobá abé aʼwágame ju.
ABÉ BENIBOA
Eʼnewa chieri ju Esusi ʼla bijchiá ʼlige chonigá ʼwe najtékame ju apirigá machiboa alué.
4. Esusi tabilé ju alué Onorúgame abé aʼwágame ju
Alué Esusi aʼwágame ju ’pa rewagachi, nobi alué Biblia aní boʼné eʼwame nile Jeobá, napugiti boʼné Onorúgame ʼlige Oʼnola ju. ¿Chonigá aniame ju ye? Eʼnewa alué VIDEO apirigá ʼnama api alué Biblia beniri chieri ju Esusi ʼlige chieri ju Onorúgame Waʼlula ju.
Alué texto guʼírimala apirigá ramué náuma alarigá machiboa chieri ju Esusi ʼlige chieri ju Jeobá. Leériwa aʼpili texto ʼlige raʼichawa ye:
Leériwa Lucas 1:30-32.
Napurigá anile alué ánjeli, ¿tachiri ju Esusi Jeobá si alué «Waʼlula»?
Leériwa Mateo 3:16, 17.
¿Cho anile bilé raʼíchame ʼpa rewagáchika napuʼlige Esusi rewarasa?
¿Chiri mayé mué chieri nile alué raʼíchali?
Leériwa Juan 14:28.
¿Chieri ju waʼlula: bilé oʼnola, o bilé inolá?
¿Tachiri anime Esusi napu aniá Jeobá «Oʼnó»?
Leériwa Juan 12:49.
¿ʼNátale Esusi boʼné ʼlige boʼné Oʼnola alieri nile? ¿Tachiri mayé mué?
5. Esusi pe Kristo nile
Alué Bíbliachi nerú weʼká raʼíchali napu ʼwe ʼya anile guʼírame alué ralamuli machí chieri ju alué Kristo, Onorúgame alué chaʼpile apirigá guʼírimala suwábaga ralámuli. Eʼnewa alué VIDEO, alé rewimela napu ʼya oserúgame napu chu ikile Esusi napu gawichí asálichi.
Leériwa ye raʼíchali alué Bíbliachi uchúkame ʼlige raʼichawa ye:
Leériwa Miqueas 5:2 arigá beniboa koche ochérame nímele alué Kristo.b
¿ʼLa simírale ye raʼíchali napuʼlige ochérale Esusi? (Mateo 2:1).
Leériwa Salmo 34:20 ʼlige Zacarías 12:10 arigá eʼnewa ujché jaré raʼíchali napu mukule alué Kristo.
¿Alarigá ikile ye raʼíchali? (Juan 19:33-37).
¿Mué mayé Esusi netele bilé tábiri napu ikimela ye raʼíchali?
ʼLige mué, ¿tachiri beniri ye raʼíchali napu ju alué Esusi?
6. Machiá Esusi ramué ʼwe nejkuri
Alué Biblia beniri ʼwe najtékame ju beniá Esusi ʼlige napu ju nóchali napu Onorúgame ʼyale. Leériwa Juan 14:6, TNM ʼlige 17:3, TNM, ʼlige raʼichawa ye:
¿Chonigá ʼwe najtékame apirigá machiboa Esusi?
Esusi ju alué bowé apirigá nímala amígola Onorúgame ʼlige benírile ʼla bijchiá chieri ju Jeobá. Abiena, ramué umebámala nabí ejperéliwa cheliérabá boʼné.
JARÉ RALÁMULI ANÍ: «Alué testigo Jeobá tabilé bijchígame ju alué Esukristo».
¿Tachiri nejémala mué?
ABÉ NAJTÉKAME
Esusi ju bilé espíritu aʼwágame, alué Onorúgame Inolá ju ʼlige alué Kristo ju.
Api mué ʼma benile
¿Chonigá aniliame Esusi «bajchá newáriame napu ju ujché jaré tábiri»?
¿Tachiri ʼsime nile Esusi taʼchó nawá jena Wijchimoba?
¿Churigá ramué machí Esusi alué Kristo ju?
UCHÉ RAJPÉ ʼYÁAWA
Machiboa ujché rajpé raʼíchali napu benírame ju Esusi alué Kristo ju.
Eʼnewa ʼla alué Biblia beniri napu Onorúgame nile oʼnó Esusi napurigá bilé ralámuli ranálame ʼkuchi.
«¿Chonigá aniame ju Esusi ju Onorúgame Inolá?» (Artículo de jw.org)
Beniboa chonigá alué trinidad anilime alué Biblia tabilé beniri ye.
Leériwa churigá guʼírile bilé mukí napuʼlige benile napu alué Biblia aní alué Esusi.
a Alé leccioni 26 ʼlige 27 ruwimela ju chonigá alué ralámuli najkime ju apirigá guʼírimala ʼlige churigá guʼiri ramué Esusi.
b Eʹnewa alé jena aní 2 arigá beniboa bilé napu ʼwe ʼya oserúgame chiéniko sebámala alué Kristo jena gawichí.