Uli waimona siani Bibilia?

BIBILIA YA LAANDA EEVI

“Maleembo oonse atunguluilue na mupasi wa kua Leeza.”​—2 Timoteo 3:16, Biblia Takatifu​—Tafsiri ya Ulimwengu Mpya.

KUZUMINA EVIO KUUNTI KUA KUKUASIA SIANI?

Kuli kukukuasia kumana biasuko bia bipuzio bikata bikata bili biaemia mubuikazi bua baantu.​—Tusualo ni Mafunde 2:1-5.

Uli kusaanga mafuunde aweeme azo alikukutungulula mu buikazi bua kila busiku.​—Malumbo 119:105.

Kuli kukukuasia uye wamanine koku ku ntaanzi tuakaba ni buikazi buweeme.​—Baroma 15:4.

KUUNTI TUAZUMINA BEEBIO BIALAANDA BIBILIA?

Een, pa nsaambu itatu:

• Ilingheene mu nzila ipapizie. Bibilia ya leembelue mu miaka ikilile pa 1 600 na baantu 40 na eevi. Bengi tebamoneene ata busiku bumo. Inzi, maleembo oonse aliingheene, ni liasi likata ni limo sie!

• Teizi kufiika kaantu. Bakalemba ba bialo babanga bafiika bubifi buabo ni bua mu bialo biabo. Inzi Bakaleemba ba Bibilia baleembele bubifi buabo beene ni bolia buali buakita baantu ba mu bialo biabo.​—2 Milandu ya nsiku 36:15, 16; Malumbo 51:1-4.

• Busesemo bua mu Bibilia tebua pusa kukitika. Bibilia ya laandile miaka 200 ku ntaanzi nangue Babiloni wa kale wakaponiiwa. (Isaya 13:17-22) Teyalangisizie sie vili viakapona ozo muzi, inzi, yazimbuile ni liina lia ozo wakaponia muzi!​—Isaya 45:1-3.

  Kila kaantu, ata ka kaniini, kalaandua mu Bibilia, kaakitika. Ezio te nsaambu ya kutulenga tusuapile Bibilia kuya yali Mulandu wa kua Leeza?​—2 Petro 1:21.