¿Piri mi isíisaré kiti mi kanílitima Onorúami?

Kiti isí japi Onorúami kichí (1 Corintios 6:9, 10)

Ami nakiyáaká Onorúami, ke mi isíisaré japi echi kichí.

Jeobá ko ke nakí japi chikobo, kecho japi rikupa, kecho japi pewaba echi drogas.

Onorúami ko kichí echi bochokásiliami alí miʼalíwami alí japi noká echi nawí. Kecho nakí japi ta korúami niba alí japi ta nakoba jarecho yúa.

Tasi mi amachíkisaré echi santos alí kursi kecho mi sipabúsaré.

Echi pagótami japi noká jepuná namuti tasi si pirélima echoná Wichimóbachi japalí we baʼóami nisa.

Ami aʼláala nísaré jarecho yúa (Mateo 7:12)

Ami kanílitinalaká Jeobá, ami nísaré japi riká echi.

Ami aʼláala nísaré echi pagótami yúa alí ami kuʼírisaré japalí newalé. Echi riká newaré japi mi nakíami ju.

Tasi mi ékisaré.

Ami wikáwisaré echi pagótami.

Raʼichá Onorúami kitra jarecho pagótami yúa (Isaías 43:10).