¿Ami ma machí piri mi isima?

We risoa nili echi pagótami japalí noká echi kawí, we ikasaa alí najusa kalí, japalí ikoti kawí, alí japalí waʼlú ukú. Ayénachó japalí nirúlisa nayulí japi oyeni o echi japi wiká pagótami miʼá alí japi nakósimi, ¿ami ma machí piri mi isima japalí echi riká ikisaa? (Ec 9:11). Keti mayésaré japi ke siné ikimea na namuti japoná ta piré.

Sinéami tamujé machisare piri ta nokiboa echi riká ikíachi (Pr 22:3). A bichíwali ju japi echi hermanos nikuuro; we be nalí ata olásaré echi namuti japi ta newalebo japalí echi riká ikisaa (Gál 6:5).

INEPO ECHI VIDEO JÉANÍAMI: ¿PIRI TA NOKIBOA JAPALÍ TA KARÚA IKISAA?, ANÍ JAPI TIMÍ NÁRIPORÉ JENAʼÍ:

• 

  ¿Chúsiá we natéami ju japi ta sinibí leéripo echi Biblia?

• 

  ¿Chúsiá we natéami ju...

  • • ... japi ta raʼíchipo echi ancianos yúa japalí kecho karúa ikisaa, ma ikíachi alí ma simírisa?

  • • ... japi ta olabo bilé mochila japoná ta jariwepo echi namuti japi ta newalebo? (g17.5-S 6).

  • • ... japi ta raʼichabo chu iyiri chati namuti ikimea japoná ta piré alí piri ta nokiboa?

• 

  Anisí bikiá namuti japi ta nokiboa jiti iʼwíripo jarecho hermanos japalí karúa ikisaa.