Sinibí binéripo echi pagótami: Iʼwírisi japi simía nawisasia

CHÚSIÁ WE NATÉAMI JU: Jeobá isimí japi echi pagótami né suláchi jona moʼama japi aní echi Biblia, jiti bela binéaká jiti sinibí pirélima (Hch 13:48, TNM; 1Co 3:7). Ata si nakúuri ata né iʼwerika nokisako bineria echi pagótami japi ma né echi riká noká japi aní echi Biblia (1Co 9:26). Echi pagótami ko a machisare japi sinibí pirénalaká japi pakoma (1Pe 3:21). Jiti ayénachó binériami niima japi riká tamujé, iʼwíripo jiti machimea piri namuti chati ju japi Jeobá ke nakí japi nokimea, jiti Jeobá bi nóchima (Mt 28:19, 20).

CHÚRIKÁ NOKIBOA

• Jéané japi mujé ko bineri echi Biblia jiti né echi riká isima japi Jeobá nakí, jiti nijéwami nima cho (Jn 17:3).

• Jiti aminabi we isima binea, Jeobá amígowala niya, ruyé japi chu iyiri namuti chati ju alí japi ke napawima chati nokáami amigos yúa.

• Iʼwérili iyá ma pakólachi ko ke cho pakóachi ma we natéami ju japi a bijí iʼwérili isima binea (Hch 14:22).

MA INESA ECHI VIDEO JEOBÁ MI IʼWÍRIMA, NAWISAMA ALÍ NÁRIMA ANISÍ JAPI TIMÍ NÁRIPORÉ JENAʼÍ:

• ¿Chúsiá jaré ko majaa nili pakóa?

• ¿Chu nokimea echi ancianos jiti echi Biblia binéami ke riwema Jeobá amígowala niya?

• ¿Piri ta biné Jeobá jitra japi aní Isaías 41:10?

• ¿Piri ta nokisare jiti ta nokiboa japi Jeobá nakí chúkuré ti ke aʼlabé nokáami ke?