Xtaa xawii ráʼ.

Á mu narígá mbá gamiéjunʼ náa xtaa, xóo gaʼxma, ruʼwa mbiʼ, nakríyaaʼ aguʼ, o najnííʼ iyaʼ, rí nagijkha mbá nacha̱. Ma̱ngaa, nguáná marigá xkujndu gúni xa̱bu̱ o nandii dí narígá asndu náá, mbá rí na̱nguá xtaʼti̱i̱n. Xtaa xawii magajnáaʼ ráʼ. (Ec 9:11.) Xúndxaʼwamíjná dí xárígá rígi̱ náa kuwáanʼlu.

Xúgiáánʼ ikháanʼ ndayóoʼ mu̱ʼni̱ xó má eʼngo̱o̱ mu makuwáánʼ xawii índo̱ gárígá gamiéjunʼ (Pr 22:3). Maski ajndu xuajñuu Jeobá nayambáá índo̱ narígá gamiéjunʼ, mú mangáanʼ ndayóoʼ muñewumíjnalú (Gál 6:5).

NDA̱WA̱Á RÍ NITAYÁÁ VIDEO XÚ KÁʼNII GÚʼNIRATAMIJNÁ ÍNDO̱ NARÍGÁ GAMIÉJUNʼ. ATRIʼÑA̱A̱ GRAXE̱ RÍGI̱:

• 

  Xú káʼnii embáyulú rí nambáxulúʼ gajmiúlú Jeobá índo̱ narígá mbá gamiéjunʼ rá.

• 

  Ndíjkha rí gíʼdoo numuu...

  • • muʼtámíjná májánʼ gajmiúlú bi̱ kuya̱ edxu̱u̱ nákha xó tsérígá, índo̱ xtáa rarígá o nda̱wa̱á dí nijngoo gamiéjunʼ rá.

  • • maraʼdáá amaʼ rí mbaʼyáaʼ náa mbiʼi gamiéjunʼ rá. (g17.5-S 6).

  • • muʼtámíjná kaʼnii gamiéjunʼ rí ma̱ndoo marigá, ga̱jma̱a̱ ndiéjunʼ rí ma̱ndoo muʼni náa mambá gamiéjunʼ rá.

• 

  Ndiéjunʼ nindxu̱u̱ rí mbá ajtsú dí ma̱ndoo muʼni mú mumbáʼñún a̱ngiu̱lú rá.