Gakuwáánʼ xawii ‹náa iwáá mbiʼi rígi̱›

Xúgi̱ rí kuwáanʼ “iwáá mbiʼi”, muraʼníí mbaʼa xkujndu (2Ti 3:1; nwtsty nota rí matanigajmaa̱ náa Mt 24:8: “ga̱ʼkhu̱ rí naʼni mamínuʼ”). Índo̱ narígá mbá gamiéjunʼ, xuajñuu Jeobá naxtambáñun ga̱jma̱a̱ nundrigú ikha. Á mu nuʼnimbulú ga̱jma̱a̱ nuʼniratamijná asndu xúgi̱, ma̱ngaa rí muʼnigajmaa Ajngá rawuunʼ Dios rúʼko̱ gámbáyulú mbuʼyáá ndiéjunʼ gúʼni índo̱ gárígá mbá gamiéjunʼ (Lu 16:10).

• Atanigajmaa̱ Ajngá rawuunʼ Dios: Gaguʼwaanʼ matraxnuu Biblia ga̱jma̱a̱ rí matanigajmaa̱ mbáwiin. Atayáʼ i̱ʼwáʼ xóo marataráʼa. Xámiñaaʼ á mu dí na̱nguá xtaa gajmiáanʼ a̱ngiu̱lú náa congregación (Is 30:15). Garmáʼáan a̱jkia̱la dí Jeobá ga̱jma̱a̱ Jesús maxtáa ga̱jma̱á nindxa̱la (od 175, 176 kutriga̱ 15-17).

• Guʼniratamijná: Náa amaʼ gíʼmaa marajxi̱i̱ ganitsu rí tséʼchúu nacha̱, iyaʼ, thana ga̱jma̱a̱ i̱ʼwáʼ rí mbaʼyáaʼ á mu bi̱ xtaa gajmiáanʼ mbaʼyoo rí xagajnún mba̱yu̱u̱ʼ náa guʼwá (Pr 22:3; g17.5 4, 6).

NDA̱WA̱Á RÍ NITAYÁÁ VIDEO XÚ KÁʼNII GÚʼNIRATAMIJNÁ ÍNDO̱ NARÍGÁ GAMIÉJUNʼ, ATRIʼÑA̱A̱ GRAXE̱ RÍGI̱:

• 

  Xú káʼnii gúʼniratamijná ga̱jma̱a̱ Ajngá rawuunʼ Dios índo̱ narígá mbá gamiéjunʼ rá.

• 

  Ndíjkha rí gíʼdoo numuu...

  • muʼtámíjná májánʼ gajmiúlú bi̱ kuya̱ edxu̱u̱ rá.

  • maraʼdáá mbá amaʼ rí mbaʼyáaʼ náa mbiʼi gamiéjunʼ rá.

  • muʼtámíjná káʼnii gamiéjunʼ rí ma̱ndoo marigá, ga̱jma̱a̱ ndiéjunʼ rí ma̱ndoo muʼni náa mámbá gamiéjunʼ rá.

• 

  Ndiéjunʼ nindxu̱u̱ rí mbá nájtsú dí ma̱ndoo muʼni mú mumbáñún a̱ngiu̱lú rá.

ATRAJXI̱MÍNÁʼ: “Ndiéjunʼ gándoo gajmañulú ga̱jma̱a̱ numuu nandii coronavirus mu ma̱ndoo makuwáanʼ xawii rá.”