Xtaa xawii matraʼníí gamiéjunʼ ráʼ.

Náa iwáá mbiʼi ndrígóo numbaaʼ rígi̱, marigá itháan gamiéjunʼ, terrorismo ga̱jma̱a̱ guerra (Ap 6:4). Xú káʼnii gándoo gúʼniratamijná mu makuwáánʼ xawii muraʼníí rígi̱ rá.

• Gambaxáaʼ itháan ga̱jma̱a̱ʼ Dios. Atatsaʼwáminaʼ má xúʼko̱ náa ikha ga̱jma̱a̱ relato rí na̱ʼkha̱ náa Biblia rí mambáyáaʼ maku̱ma̱a̱ʼ xtayáá itháan Jeobá ga̱jma̱a̱ xuajñuu ma̱ngaa rí mariejún jmbu (Pr 12:5; jr 125, 126 kutriga̱ 23, 24). Gambaxáaʼ májánʼ gajmiáanʼ a̱ngiu̱lú bi̱ kúwá náa congregación (1Pe 4:7, 8).

• Xawii gáraxtaa. Arajxi̱i̱ ganitsu náa guʼwáaʼ ga̱jma̱a̱ atríyaʼ mbá májánʼ awan ndiéjuunʼ i̱ʼwáʼ gándoo ma̱tani̱ á mu mbaʼyóoʼ matambáyuminaʼ náa guʼwáaʼ. Ma̱ngaa atríyaʼ mbá awan ndiéjuunʼ gátani̱ á mu mbaʼyóoʼ magajnáaʼ. Atayáá rí á mu náa amaʼ rí mbaʼyáaʼ náa mbiʼi gamiéjunʼ kajti má xúgíʼ dí mambáyáaʼ, xámbumaaʼla mbújkha̱a̱ʼ. Xawii gáraʼdáá número ndrígu̱ún bi̱ kuya̱ edxu̱u̱ o rí mbaʼyáaʼ mu maratamíjná gajmiáanʼ, atayáá á mu mangiin guáʼdáá número ndrígáaʼ (Is 32:2; g17.5 3-7).

Índo̱ gárígá gamiéjunʼ xátatsiʼñááʼ ratani̱ ñajuunʼ Jeobá (Flp 1:10). Aguanáaʼ náa guʼwáaʼ á mu tséyóoʼ má magajnáa (Mt 10:16). Xájmídáaʼ maraxnu̱u̱n rí xtaʼdáá eʼwíinʼ (Ro 12: 13).

NDA̱WA̱Á RÍ NITAYÁÁ VIDEO XTAA XAWII MATRAʼNÍÍ MBÁ GAMIÉJUNʼ DÍ NARÍGÁ MBÁ NACHA̱Á RÁʼ. ATRIʼÑA̱A̱ GRAXE̱ RÍGI̱:

• Xú káʼnii Jeobá ma̱ndoo mambáyulú náa majñu̱u̱ʼ mbá gamiéjunʼ rá.

• Ndiéjuunʼ gándoo mu̱ʼni̱ mu makuwáanʼ xawii rá.

• Xú káʼnii gándoo gúmbáñún eʼwíinʼ rá.