XÓO KUWÁANʼ BI̱ NI̱NDXU̱LÚ CRISTIANOS

Lá xtaa xawii maraxtaa índo̱ nda̱a̱ mbújkha̱a̱ rá.

Ndíjkha rí na̱nguá e̱ʼñulú tsiánguá dí nguáná kúwáanʼ gíná ga̱jma̱a̱ numuu mbújkha̱a̱ rá. Numuu rí kuwáánʼ náa iwáá mbiʼi, náa Biblia naʼthúlú rí ‹xákumulú kuyáá rí guáʼdáá, rí maʼganú mambáa› (1Ti 6:17; 2Ti 3:1). Xú káʼni embáyulú xkridoo Jehosafat mu makuwáánʼ xawii índo̱ gáʼyulúʼ mbújkha̱a̱ rá.

Índo̱ xa̱bu̱ sia̱nʼ nigún guxmijná gajmiún Jehosafat, ikhaa nikumu̱u̱ kaʼyoo Jeobá (2Cr 20:9-12). Ma̱ngaa niríya má awan mu mañewu̱u̱n xuajen: Niʼni xtájtsí náa xuajin Judá ga̱jma̱a̱ niʼni gímbíin mbaʼin soldados (2Cr 17:1, 2, 12, 13). Májánʼ gúʼnilú mangáanʼ á mu nakumulú kuʼyáá Jeobá ga̱jma̱a̱ muraʼwíí wapháá ndiéjuunʼ gíʼmaa muʼnilú índo̱ gáʼni mbiʼi mingíjyúuʼ.

XÚ KÁʼNI GÁNDOO GAKUWÁÁNʼ XAWII ÍNDO̱ NDA̱A̱ MBÚJKHA̱A̱ RÁ.

Atanirataminaʼ mu mambaxáaʼ ga̱jma̱a̱ʼ Jeobá. Gajmañaaʼ maraxtaa gagi ga̱jma̱a̱ rí xtaʼdáá ga̱jma̱a̱ gakuma̱a̱ʼ xtayáá Jeobá dí ikhaa má ma̱ndoo maxnáaʼ dí nda̱yáaʼ mámbá mbiʼi (Mt 6:26; 1Ti 6:8). Xánújngarámáaʼ ikha dí na̱ʼkha̱ náa Biblia mu mataʼyáʼ itháan mbújkha̱a̱ (Ro 2:21). Atayáʼ xú káʼni ma̱ndoo matani mu matraxnuu ma xúʼko̱ Biblia ga̱jma̱a̱ i̱ʼwáʼ revista o video maski ajndu nda̱a̱ aguʼ o internet. Ma̱ndoo matrajxi̱i̱ tikhu revista o libro o atrígú wapháá náa celular ndrígáaʼ.

Atanirataminaʼ wapháá matáʼyaʼ dí majmaʼ. Xátani̱ wéñaʼ gidxóó ga̱jma̱a̱ xáratsi rí na̱nguá eyááʼ, atie̱wa̱a̱n mbújkha̱ʼ (Pr 22:7). Á mu nandoo atrajxi̱i̱ wapháá ganitsu ga̱jma̱a̱ i̱ʼwáʼ rí mbaʼyáaʼ. Náa tikhu xuajin nudu dí muphu mu xútsi.

NDA̱WA̱Á RÍ NITAYÁÁ VIDEO XTAA XAWII Á MU NARÍGÁ MBÁ GAMIÉJUN’ RÁ’. ATRIʼÑA̱A̱ GRAXE̱ RÍGI̱:

Xtiʼkhuu dí na̱ʼkha̱ náa video: “Xtaa xawii á mu narígá mbá gamiéjunʼ ráʼ.” Xtiʼkhu mbá Biblia, mbá mochila de emergencia ga̱jma̱a̱ mbá celular, ga̱jma̱a̱ xa̱bu̱ nuñajunʼ náa naguma guʼwá.

Xú gáraxtaa xawii á mu narígá gamiéjunʼ rá’.

Atriʼña̱a̱

Xtiʼkhuu dí na̱ʼkha̱ náa video: “Xtaa xawii á mu narígá mbá gamiéjunʼ ráʼ.” Xtiʼkúún a̱ngiu̱lú kúwá ruñajunʼ. Tikhun kúwá nuñajunʼ náa naguma guʼwá ga̱jma̱a̱ eʼwíinʼ nundrigú cajas náa mbá carro.

Xú gátambáñún eʼwíinʼ rá.

Atriʼña̱a̱