Dí mambáyáaʼ matraxnuu Biblia tsejtsíí mbiʼi

Lá naʼniaaʼ gakhi̱i̱ matraxnuu Biblia tsejtsíí mbiʼi ga̱jma̱a̱ numuu dí xtaʼdáá mbaʼa ñajunʼ dí matani̱ ráʼ. (Jos. 1:8.) Á mu xúʼko̱, ma̱ndoo matani̱ rígi̱:

• Atagíʼma mbá dí maʼni marmáʼáan a̱jkia̱a̱nʼ. Atagrígu mbá alarma náa celular mu maʼni marmáʼáan a̱jkia̱a̱nʼ dí matraxnuu Biblia.

• Atatámáʼ Biblia náa pa̱jnu. Mu xámbumaaʼ matraxnuu tsejtsíí mbiʼi (Deut. 11:18).

• Atadxawíín audio ndrígóo Biblia. Ma̱ndoo matagrígú audio mu matadxawíín índo̱ natani̱ i̱ʼwáʼ ñajunʼ. Tara mbáa precursora, bi̱ gíʼdiin e̱ji̱i̱n ga̱jma̱a̱ nañajunʼ dí mbruʼun naʼthí: “Rí madxawun audio ndrígóo Biblia índo̱ na̱ni̱ i̱ʼwáʼ ñajunʼ náa goʼwóʼ rígi̱ nambáyúʼ mu xániʼñúunʼ magúxnuu Biblia”.

• Xátatsiʼñáánʼ manújngoo mbóo mbiʼi. Á mu narígá mbá dí na̱nguá xta̱ʼthi̱i̱n ga̱jma̱a̱ rígi̱ naʼni dí xátraxnuu Biblia xó má eguʼwaanʼ, ataniminaʼ matraxnuu kááʼ nguáthá versículo nákhá xóó tsédxúuʼ gínunʼ. Itháan má gíʼdoo numuu dí matraxnuu Biblia maski ajndu kááʼ chíʼgíiʼ, ki xóo dí xátraxnuu mbá kayuʼ ga̱jma̱a̱ ma̱ta̱ya̱a̱ dí mambáyáaʼ wéñuuʼ (1 Ped. 2:2).