Saida mak Bíblia hanorin?

Diabu mak hanesan saida?

TUIR ITA-NIA HANOIN Diabu mak . . .

• Espíritu aat ida?

• Buat aat neʼebé iha ema nia laran?

• Buat neʼebé laʼós realidade?

SAIDA MAK BÍBLIA HATETE?

Diabu koʼalia ho Jesus no “tenta” nia. (Mateus 4:1-4) Neʼe katak Diabu iha duni, nia laʼós buat aat neʼebé iha ema nia laran deʼit. Nia mak espíritu aat ida.

SAIDA TAN MAK BÍBLIA HANORIN?

• Uluk liu, Diabu mak anju diʼak ida, maibé “nia la hamriik metin iha lia-loos”. (João 8:44) Nuneʼe, nia halo ninia an bosok-teen no kontra Maromak.

• Iha anju seluk neʼebé apoia Diabu Satanás. —Apokalipse 12:9.

• Diabu taka netik ema nia neon atu la bele hatene kona-ba nia.—2 Korinto 4:4.

Diabu bele kontrola ema ka lae?

EMA BALU DEHAN lae, maibé ema balu tan taʼuk tebes katak Diabu bele domina sira. Oinsá ho Ita-nia hanoin?

SAIDA MAK BÍBLIA HATETE?

“Mundu tomak iha aat-naʼin nia ukun.” (1 João 5:19) Diabu mak ukun mundu aat neʼe, maibé neʼe la dehan katak nia mak kontrola ema ida-idak nia moris.

SAIDA TAN MAK BÍBLIA HANORIN?

• Diabu iha matenek atu lohi ema. —2 Korinto 11:14.

• Dala ruma Diabu bele domina ema. —Mateus 12:22.

• Ho Maromak nia ajuda, ita bele manán hasoru Diabu.—Tiago 4:7.