Ezemplu oinsá atu haklaken ba ema

Oinsá atu komesa estudu Bíblia iha sábadu primeiru iha fulan-Juñu

“Ema barak halo orasaun kona-ba hahiʼi Maromak nia naran. Ita hatene Maromak nia naran sá? [Hein ba resposta.] Haʼu iha informasaun kapás kona-ba Maromak nia naran.” Lee no koʼalia hamutuk kona-ba pergunta 3 iha pájina 24 husi Livru Haklaken Abríl-Juñu nian, no lee mós eskritura ida husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk kona-ba pergunta tuirmai.

Livru Haklaken Abríl-Juñu

“Karik Ita mós hatene ona katak Jesus hanorin ita atu halo orasaun hodi husu Maromak nia Reinu atu mai, no atu halo tuir Maromak nia hakarak ba iha rai nuʼudar iha lalehan. Tuir Ita-nia hanoin, Maromak sei hatán orasaun neʼe atu nuneʼe Ninia hakarak iha rai sei akontese duni ka lae? [Hein ba resposta.] Liafuan husi Bíblia tuirmai neʼe hatudu katak Maromak sei halo duni ninia promesa sira. [Lee 2 Pedro 3:7, 13.] Livru neʼe esplika oinsá Maromak sei halakon buat aat hotu iha mundu neʼe.” Hatudu informasaun neʼebé komesa iha pájina 8.

Livru Haklaken Abríl-Juñu

“Tuir Ita-nia hanoin, tanbasá mak iha problema barak iha mundu neʼe? [Hein ba resposta.] Bíblia koʼalia kona-ba ‘Diabu nia babeur aat’ sira. [Lee Efeso 6:11.] Eskritura neʼe esplika razaun ida tanbasá mak iha problema barak iha mundu neʼe. Maibé ida-neʼe mós hamosu pergunta kona-ba Diabu mai husi neʼebé? Informasaun iha pájina 19 iha livru neʼe koʼalia kona-ba pergunta, ‘Maromak mak halo Diabu ka lae?’”