Fahe Livru Haklaken ne’ebé tuan ka broxura naran de’it

Iha fulan sira-ne’ebé ita fahe livru Bíblia Hanorin no koko atu komesa estudu Bíblia iha vizita primeiru, se ita hasoru uma-na’in ne’ebé iha ona livru ne’e no nia lakohi atu estuda, di’ak atu fahe Livru Haklaken ne’ebé tuan ka broxura naran de’it ne’ebé uma-na’in gosta. Tanbasá?

Broxura no livru ne’ebé tuan ko’alia kona-ba informasaun oioin ne’ebé karik kona situasaun ne’ebé akontese daudauk. Informasaun ruma iha livru sira-ne’e karik bele kona uma-na’in nia laran. Tan ne’e, kuandu prepara ita-nia pasta haklaken nian, di’ak atu tau mós broxura naran de’it ka Livru Haklaken tuan sira iha ita-nia pasta. Se ita la iha Livru Haklaken ne’ebé tuan, karik ita bele foti husi kongregasaun nia fatin atu tau livru. Hodi nune’e, kuandu ita hasoru uma-na’in ne’ebé iha ona livru Bíblia Hanorin no lakohi atu estuda Bíblia, ita bele hatudu ba nia Livru Haklaken ka broxura balu no husu nia atu hili ida-ne’ebé nia gosta. Depois ne’e, halo arranju atu vizita fali hodi haburas ema ne’e nia hakarak ba lia-loos. Ikusmai, karik ita bele hahú estudu Bíblia.