Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Dezembru

“Ohin loron, ema barak hanoin se Diabu Satanás no ninia anju aat sira iha duni ka lae. Tuir Ita-nia hanoin, diabu sira bele book ita-nia moris ka lae? [Hein ba resposta. Depois lee Apokalipse 12:9.] Informasaun neʼe esplika saida mak Bíblia hatete kona-ba diabu sira no oinsá mak ita bele proteje ita-nia an husi sira.” Hatudu Livru Haklaken Outubru–Dezembru ba uma-naʼin no koʼalia hamutuk kona-ba pergunta 3 iha pájina 17, no lee eskritura ida ka liu iha parágrafu. Fó livru neʼe ba uma-naʼin no halo planu atu vizita fali hodi koʼalia hamutuk kona-ba pergunta tuirmai.

Livru Haklaken Outubru–Dezembru

“Iha rai barak ema hatún no tarata aat feto sira. Tuir Ita-nia hanoin, feto sira mós bele hetan direitu ruma hanesan mane sira hetan ka lae? [Hein ba resposta.] Iha Bíblia nia tempu, ema respeita no hafolin feto sira. Livru neʼe esplika Maromak nia hakarak kona-ba hahalok neʼebé ema tenke hatudu ba feto sira.” Hatudu informasaun neʼebé komesa husi pájina 8.

Livru Haklaken Outubru–Dezembru

“Loron-loron ita haree ema hetan terus, moras, no mate. Tuir Ita-nia hanoin, Maromak hanoin ema ka lae? [Hein ba resposta. Depois lee Joao 3:16.] Informasaun neʼe esplika kona-ba dalan neʼebé Maromak hatudu domin mai ita nuʼudar Aman.” Hatudu informasaun neʼebé komesa husi pájina 29.