Kampaña atu fahe konvite Memoriál nian hahú husi loron 22 Marsu

Tinan neʼe, ita-nia kampaña atu konvida ema hodi tuir Memoriál hahú iha loron-sábadu, 22 Marsu. Ami hakarak fó laran-manas ba ema hotu atu hola parte iha kampaña neʼe. Iha loron-sábadu no domingu ita mós bele fahe konvite hamutuk ho revista sira. No iha loron-domingu primeiru iha fulan-Abríl, ita sei la uza loron neʼe atu konvida ema hodi estuda Bíblia kedas, maibé atu fahe deʼit konvite. Maski nuneʼe, se ita hetan ema neʼebé gosta tebes, ita bele konvida nia atu hahú kedas estuda Bíblia. Katuas haklaken nian bele deside se kongregasaun tenke fahe konvite iha fatin públiku hodi bele hasoru ema barak neʼebé hela iha kongregasaun nia haklaken fatin. No se ita hakarak atu ita-nia família, kolega serbisu, kolega eskola, no vizita fali tuir Memoriál, ita bele halo lista kona-ba se mak ita hakarak atu konvida, no kuandu kampaña hahú ita bele fó konvite ba sira. Ami hein katak ema barak sei mai hodi halibur hamutuk ho ita nuʼudar ita komemora domin boot neʼebé Maromak no Jesus hatudu ona ba ita.—João 3:16; 15:13.