Tanbasá arranka kedas?

Bainhira ita halibur hamutuk ho irmaun-irmán sira atu bá haklaken, ita sente hakarak atu koʼalia ho sira hotu. Neʼe la sala, maibé se grupu hotu ona, diʼak se ita arranka kedas bá haklaken, tanba serbisu haklaken importante tebes. (2 Timóteo 4:2) Se ita demora demais iha grupu, ita-nia tempu atu bá haklaken mós sai menus ba beibeik. Toʼo ona iha haklaken fatin, ita bele iha oportunidade barak hodi koʼalia no anima malu ho maluk haklaken-naʼin sira bainhira ita haklaken hamutuk ho sira. Hodi arranka kedas bá haklaken mós hatudu katak ita mak ema neʼebé badinas serbisu ba Jeová no Jesus.—Roma 12:11.