Knananuk reuniaun sira fó laran-manas ba ita

Bainhira apóstolu Paulo no Silas iha komarka, sira fó hahiʼi ba Maromak liuhusi knananuk. (Aps 16:25) Nuneʼe mós ho irmaun-irmán sira neʼebé hetan kastigu iha komarka Sachsenhausen iha tempu Nazi, iha rai-Alemaña, no sira neʼebé iha Sibéria, sira kanta knananuk hahiʼi nian. Ida-neʼe hatudu katak knananuk bele fó laran-manas ba ita iha tempu ita hasoru daudaun terus no susar.

Lakleur tan livru kanta foun ho títulu “Kanta ho haksolok” ba Jeová (“Sing Out Joyfully” to Jehovah) sei fó sai iha língua oioin. Se ita hetan livru neʼe iha ita-nia língua, koko atu pratika knananuk sira iha tempu halaʼo adorasaun família nian hodi ita bele hanoin-hetan liafuan sira husi livru neʼe. (Éf 5:19) Ikusmai, se ita mak hasoru susar no terus ruma, espíritu santu sei ajuda ita atu hanoin-hetan fali knananuk sira-neʼe. Knananuk reuniaun nian bele ajuda ita atu tau fokus ba ita-nia esperansa, no fó forsa ba ita atu hasoru susar no terus. Maski ita la hasoru daudaun susar, maibé liafuan sira husi knananuk reuniaun nian haleno ita-nia sentimentu haksolok iha laran. (1Cr 15:16; Sal 33:1-3) Tan neʼe, mai ita aproveita didiʼak ita-nia knananuk reuniaun sira!

HAREE VÍDEO KNANANUK IDA NEʼEBÉ ANIMA DADUR SIRA. DEPOIS, HATÁN BA PERGUNTA SIRA TUIRMAI NEʼE:

• Saida mak book irmaun Frost hakerek knananuk ida?

• Oinsá mak knananuk neʼe fó laran-manas ba irmaun sira iha komarka Sachsenhausen?

• Iha situasaun saida deʼit mak knananuk reuniaun nian bele hametin Ita?

• Ita hakarak dekór knananuk reuniaun nian ida neʼebé?