Ita hetan benefísiu husi Buka-hatene Didiʼak Eskritura Loron-loron?

Ita-nia atividade espirituál inklui lee eskritura no komentáriu sira husi Eskritura Loron-loron nian ka lae? Se seidauk, Ita bele komesa halo ida-neʼe ka lae? Ema barak halo ida-neʼe iha dadeer atu sira bele hanoin kona-ba buat neʼebé sira lee iha sira-nia atividade ba loron tomak. (Jos 1:8; Sal 119:97) Oinsá mak Ita bele hetan benefísiu liután husi eskritura ba loron ida-idak nian? Lee eskritura nia kontestu atu bele hetan informasaun liután. Hanoin kona-ba eskritura neʼe fó sai prinsípiu saida, depois koko hanoin kona-ba istória husi Bíblia saida mak sai ezemplu kona-ba prinsípiu neʼe. Tuirmai, aplika prinsípiu neʼe iha Ita rasik nia moris. Bainhira Maromak nia Liafuan mak sai ita-nia matadalan, neʼe sei lori benefísiu neʼebé loos mai ita.—Sal 119:105.

Família Betel sira iha mundu tomak haree hamutuk Eskritura Loron-loron nian iha tempu matabixu. Iha JW Broadcasting^®, kategoria PROGRAMA ESPESIÁL fó sai kona-ba oinsá mak sira halaʼo programa neʼe. Ita rasik haree ona vídeo sira-neʼe ka lae? Karik pontu balu mak kona-ba buat neʼebé Ita rasik presiza duni. Porezemplu, oinsá mak Lot nia istória kona Ita-nia desizaun sira?

LOKE VÍDEO KETA HADOMI MUNDU (1JO 2:15), DEPOIS HATÁN BA PERGUNTA SIRA TUIRMAI NEʼE:

• Bíblia nia prinsípiu saida mak sai nuʼudar hun ba diskusaun iha Adorasaun Dadeer nian ida-neʼe?

• Husi istória kona-ba Lot, saida mak ita aprende kona-ba perigu atu hadomi mundu no buat sira iha mundu neʼe?​—Gén 13:12; 14:12; 19:3, 12, 13, 24-26

• Oinsá mak ita hatudu katak ita hadomi Jeová duké hadomi mundu ka buat sira iha mundu neʼe?