Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • wp22 No. 1 p. 10-11
  • 3 | Hasai ódiu husi Ita-nia hanoin

La iha video neʼebé bele loke.

Deskulpa, la bele loke vídeo.

  • 3 | Hasai ódiu husi Ita-nia hanoin
  • Livru Haklaken fó sai Maromak Jeová nia Ukun (Públiku)—2022
  • Subtítulu
  • Informasaun seluk neʼebé hanesan
  • Bíblia hanorin:
  • Neʼe katak sá:
  • Saida mak Ita bele halo:
  • Estevão “nakonu ho Maromak nia laran-diʼak no kbiit”
    “Fó Sasin ho Didiʼak kona-ba Maromak nia Ukun”
  • Tuda fatuk ba Estevão
    Livru Istória husi Bíblia
  • Oinsá atu hapara siklu odi malu?
    Livru Haklaken fó sai Maromak Jeová nia Ukun (Públiku)—2022
  • Ita bele halakon ódiu!
    Livru Haklaken fó sai Maromak Jeová nia Ukun (Públiku)—2022
Haree barak liután
Livru Haklaken fó sai Maromak Jeová nia Ukun (Públiku)—2022
wp22 No. 1 p. 10-11
Mane ida imajina kaer liman ho mane neʼebé rasa la hanesan. Sira-nia lalatak hatudu katak uluk sira kaer sinál protesta no diskute malu.

HAPARA SIKLU ODI MALU

3 | Hasai ódiu husi Ita-nia hanoin

Bíblia hanorin:

“Troka imi-nia an hodi hafoun imi-nia hanoin, atu nuneʼe imi bele hatene loloos kona-ba Maromak nia hakarak neʼebé diʼak no perfeitu no halo Maromak kontente.”—ROMA 12:2.

Neʼe katak sá:

Jeová interese ba ita-nia hanoin. (Jeremias 17:10) Ita presiza hasees an husi hahalok no liafuan ódiu, maibé neʼe deʼit la toʼo. Hahalok no liafuan mai husi ita-nia neon no laran. Tan neʼe, ita presiza hasai tiha ódiu husi ita-nia hanoin no sentimentu. Hodi halo nuneʼe mak ita bele “hafoun” ita-nia an no hapara siklu odi malu.

Saida mak Ita bele halo:

Hanoin didiʼak saida mak Ita sente kona-ba ema seluk, liuliu ema husi rasa ka nasaun seluk. Husu Ita-nia an: ‘Haʼu sente oinsá kona-ba sira? Haʼu sente hanesan neʼe tanba haʼu-nia esperiénsia rasik no haʼu koñese didiʼak sira ka lae? Ka tanba ema seluk koʼalia aat kona-ba sira?’ Hadook an husi média sosiál, filme ka buat seluk neʼebé bele haburas sentimentu odi no violénsia.

Maromak nia Liafuan bele ajuda ita atu hasai tiha ódiu husi ita-nia hanoin no sentimentu

La fasil atu hatene didiʼak ita-nia hanoin no sentimentu. Maibé Maromak nia Liafuan bele ajuda ita atu ‘hatene ita-nia hanoin no hakarak iha laran’. (Ebreu 4:12) Tan neʼe kontinua aprende Bíblia. Kompara Bíblia nia hanorin ho Ita rasik nia hanoin no hakaʼas an atu hanoin tuir Bíblia nia hanorin. Maski ita-nia sentimentu odi mak metin duni iha ita-nia neon no laran, Maromak nia Liafuan bele ajuda ita atu halakon ida-neʼe.—2 Korinto 10:4, 5.

Esperiénsia​—STEPHEN

Troka ninia dalan atu hanoin

Stephen.

Stephen no ninia família hetan diskriminasaun husi ema kulit mutin. Tan neʼe, nia tuir grupu polítiku nian ida neʼebé halo violénsia atu halakon diskriminasaun. Ikusmai, nia rasik mós hola parte iha krime tanba odi ema kulit mutin. Stephen dehan: “Loron ida, haʼu ho kolega sira bá sinema atu haree filme kona-ba atan sira husi rai-Áfrika neʼebé uluk hasoru terus barak iha Estadus Unidus. Haree ba hahalok neʼebé la justisa neʼe, ami sai laran-nakali tebes no baku kedas joven kulit mutin sira iha sinema laran. Ami mós tama ba bairru ema mutin nian atu baku ema barak liután.”

Stephen troka ninia hanoin bainhira nia komesa estuda Bíblia ho Testemuña ba Jeová. Nia konta: “Tanba haʼu toman ona haree ema halo diskriminasaun, haʼu hakfodak hodi haree buat neʼebé Testemuña sira halo. Porezemplu, bainhira ema mutin ida atu halo viajen ba rai seluk, nia husu família ida seluk neʼebé kulit metan atu tau matan ba ninia oan sira. No mós, família ida seluk neʼebé kulit mutin simu joven metan ida iha sira-nia uma no hela hamutuk.” Ikusmai Stephen fiar katak Testemuña ba Jeová hatudu duni domin ba malu, no kumpre buat neʼebé Jesus fó-hatene nanis kona-ba ema Kristaun neʼebé loos.—João 13:35.

Saida mak ajuda Stephen atu husik violénsia no halakon sentimentu odi? Eskritura iha Roma 12:2 ajuda nia. Nia dehan: “Haʼu hatene katak haʼu tenke troka haʼu-nia hanoin ho fiar tomak katak buka dame mak diʼak liu ba haʼu-nia moris.” Stephen soe tiha sentimentu odi ba tinan 40 liu ona, no halaʼo moris neʼebé kontente.

Lee liután Stephen nia esperiénsia iha Livru Haklaken 1 Outubru 2015, pájina 8-9.

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe