Kuandu haklaken, ajuda Ita-nia maluk
1. Tanbasá mak diʼak atu haklaken hamutuk ho maluk ida?
1 Iha loron ida, Jesus haruka ninia dixípulu naʼin-70 atu bá haklaken, no nia “haruka sira rua-rua” atu laʼo hamutuk. (Lc 10:1) Klaru katak arranju neʼe diʼak tanba dixípulu sira bele fó laran-manas ba malu no ajuda malu iha serbisu haklaken. Kuandu ita haklaken hamutuk ho irmaun ka irmán seluk, oinsá mak ita bele ajuda nia?
2. Kuandu Ita-nia maluk koʼalia ba uma-naʼin, oinsá mak Ita see tilun? Tanbasá mak ita halo ida-neʼe?
2 Ajuda hodi see tilun: Rona didiʼak kuandu Ita-nia maluk koʼalia ba uma-naʼin. (Tgo 1:19) Se nia uza eskritura, tuir iha Ita rasik nia Bíblia nuʼudar ema lee eskritura neʼe. Haree ba ema neʼebé koʼalia. Se Ita-nia maluk koʼalia, haree ba nia; se uma-naʼin koʼalia mós, haree ba nia. Kuandu Ita see tilun didiʼak, ida-neʼe bele book uma-naʼin atu mós see tilun didiʼak.
3. Bainhira mak Ita bele ajuda Ita-nia maluk hodi koʼalia ba uma-naʼin?
3 Ajuda hodi la koʼalia barak: Kuandu Ita-nia maluk koʼalia ba uma-naʼin, Ita hatudu respeitu hodi husik nia koʼalia. (Rom 12:10) Ita lakohi hakotu ninia koʼalia. Se nia haluha liafuan ruma, ka uma-naʼin husu pergunta no nia la hatene resposta, karik nia sei husu Ita-nia ajuda. Se nuneʼe, Ita bele ajuda, maibé Ita lakohi koʼalia barak, ka koʼalia kona-ba buat seluk fali. (Prov 16:23; Ecle 3:1, 7) Sin, kuandu ita koʼalia, ita-nia liafuan sira sei aumenta sasin neʼebé ita-nia maluk hatoʼo daudaun.—1 Kor 14:8.
4. Saida mak sei ajuda ita sente haksolok no hetan susesu iha serbisu haklaken?
4 Kuandu dixípulu pár 35 fila fali ba Jesus husi serbisu haklaken, sira “fila fali hodi haksolok”. (Lc 10:17) Kuandu ita see tilun didiʼak no la koʼalia barak hodi ajuda ita-nia maluk, ita mós bele sente haksolok no hetan susesu iha ita-nia serbisu haklaken.