Tansá importante atu iha biblioteka rasik?

Razaun primeiru tansá presiza atu iha biblioteka rasik mak tanba importante ba Testemuña ba Jeová atu estuda mesak. (Joao 17:3) Nuneʼe, diʼak tebes atu rai livru hotu neʼebé ita simu hodi sai ita-nia biblioteka iha uma. Hodi halo nuneʼe, ita rasik bele buka informasaun, bele hatán kuandu ema ruma husu pergunta, no prepara ba reuniaun kristaun sira.

Razaun segundu tansá presiza atu iha biblioteka iha uma mak tanba ema kristaun ida-idak tenke “lori nia todan rasik”. (Gal 6:5) Kuandu ema husu pergunta ruma, diʼak se ita rasik mak buka informasaun uluk, se ita la iha, husu ema seluk nia ajuda. Hodi estuda Maromak nia Liafuan ho badinas no uza biblioteka iha ita-nia uma, ita sei haburas matenek no ita sei komprende diʼak liután Bíblia.—Ebr 5:11-14.

Inan-aman balu ajuda sira-nia oan atu halibur livru sira hodi sai oan nia biblioteka rasik, sira halo nuneʼe hodi hanoin katak ida-neʼe sei ajuda oan sira agora no mós iha futuru. Ita la duvida katak biblioteka mak buat importante iha ema kristaun nia uma.