Oinsá atu fahe livru fulan-fulan nian

Livru Haklaken Jullu-Setembru

Lee Apokalipse 1:3. Depois hatete: “Tuir Ita-nia hanoin, Bíblia bele troka duni ema nia moris no bele halo ema moris kontente liu ka lae? [Hein ba resposta.] Livru ida-neʼe fó-hatene istória tolu kona-ba ema neʼebé husik Bíblia troka sira-nia moris sai diʼak liu.” Hatudu informasaun neʼebé komesa iha pájina 28.

Sedarlah! September

Lee Mateus 5:39. Depois hatete: “Jesus nia liafuan neʼe katak kuandu ema trata aat ita, ita nonook deʼit no la halo buat ruma ka lae? [Hein ba resposta.] Informasaun neʼe hatudu saida mak Bíblia hatete kona-ba defende ita-nia an no buka ajuda tuir lei.” Hatudu informasaun neʼebé komesa iha pájina 10.

Livru Haklaken Outubru-Dezembru

“Ema barak bolu Ida neʼebé Forsa Boot Liu Hotu nuʼudar Maromak. Maibé Ita hatene ka lae, katak Bíblia fó-hatene ita katak Maromak iha naran? [Hein ba resposta. Tuirmai, lee Joao 17:26.] Livru ida-neʼe esplika tansá mak tradusaun Bíblia balu hasai Maromak nia naran no tansá importante mai ita atu hatene Maromak nia naran.”

Sedarlah! Oktober

“Ita rona beibeik kona-ba ema neʼebé sira-nia kaben ka ema seluk la hatudu laran-metin ba sira. Tuir Ita-nia hanoin, ohin loron susar atu hetan ema neʼebé ita bele fiar ka lae? [Hein ba resposta.] Ema barak sente katak eskritura neʼe sai loos ohin loron. [Lee 2 Timoteo 3:1-5.] Livru neʼe esplika iha neʼebé mak ita bele hetan ema neʼebé ita bele fiar.”