Ita bele komesa estudu Bíblia iha fulan-Outubru ka lae?

1. Ita sei fahe livru saida iha fulan-Outubru?

¹ Iha fulan-Outubru, ita sei fahe Livru Haklaken no Sedarlah! Atu koʼalia liután kona-ba lia-loos ho sira neʼebé simu livru sira-neʼe, ita mós sei fahe tratu Ita Hakarak Hatene Lia-Loos ka lae? no koko atu komesa estuda Bíblia ho sira. Oinsá mak ita bele halo nuneʼe kuandu ita halo vizita fali?

2. Kuandu ita bá vizita fali ema neʼebé simu livru fulan-fulan nian, oinsá mak ita bele uza tratu Hatene Lia-Loos atu komesa estuda Bíblia?

² Uza tratu: Ita bele hatete: “Livru fulan-fulan nian neʼebé ami fahe fó laran-manas ba ema hotu atu buka-hatene buat neʼebé Bíblia hatete mai ita. [Fó tratu Hatene Lia-Loos ba uma-naʼin, no hatudu pergunta sira iha pájina primeiru.] Porezemplu, Bíblia fó resposta diʼak ba pergunta sira-neʼe. Ita mós dala ruma husu pergunta balu iha neʼe ka lae?” Kuandu uma-naʼin hatán, ita loke pájina tuirmai hodi haree hamutuk resposta ba pergunta ida neʼebé nia hakarak hatene, no lee eskritura ida neʼebé ita hili husi tratu neʼe. Depois, hatete katak ida-neʼe hanesan ezemplu kiʼik deʼit kona-ba oinsá mak ita bele buka-hatene buat neʼebé Bíblia hanorin, no halo uma-naʼin atu kaer livru Bíblia Hanorin. Tuirmai, ita bele loke lista no husu nia kapítulu ida-neʼebé mak nia gosta, no lee hamutuk parágrafu balu husi kapítulu nia hahú. Se lae, ita mós bele loke kedas parte neʼebé esplika kona-ba buat neʼebé ita foin koʼalia husi tratu neʼe no lee hamutuk. Informasaun tuirmai hatudu pájina ho parágrafu sira neʼebé Ita bele loke ba pergunta ida-idak.

● Tuir loloos, Maromak hanoin ita ka lae? (p. 9-11 par. 6-10)

● Loron ida ema bele moris iha mundu neʼebé la iha tan funu no terus ka lae? (p. 12 par. 12-13)

● Saida mak akontese ba ita kuandu ita mate? (p. 59-60 par. 7-8)

● Iha ka lae esperansa ba ema neʼebé mate ona? (p. 71 par. 13-15)

● Orasaun hanesan saida mak Maromak simu? (p. 166-167 par. 5-8)

● Oinsá mak haʼu bele sai kontente? (p. 9 par. 4-5)

3. Iha dalan saida deʼit mak ita bele koko atu komesa estuda Bíblia hodi tuir ema ida-idak nia situasaun?

³ Maski ita la biban atu loke livru Bíblia Hanorin iha vizita fali primeiru, ita bele halo arranju atu bá fali. No mós, hodi tuir ema ida-idak nia situasaun, karik diʼak mós halo vizita fali ba dala balu tan atu koʼalia kona-ba pergunta sira neʼebé temi iha tratu no depois mak hatudu livru Bíblia Hanorin. Entaun, mai ita uza didiʼak ita-nia tratu kapás neʼe iha fulan-Outubru atu komesa estudu Bíblia no ajuda ema neʼebé laran-moos atu “hatene lia-loos”.—Joao 8:31, 32.