Razaun sanulu-resin-rua atu ita haklaken

Saida mak razaun importante liu atu ita haklaken no hanorin ema kona-ba liafuan diʼak? Atu ajuda ema laran-moos laʼo iha dalan moris nian ka lae? (Mt 7:14) Maski ida-neʼe mak razaun primeiru iha lista iha kraik, maibé tuir loloos, neʼe laʼós razaun importante liu. Entaun, husi razaun 12 tuirmai neʼe, ida-neʼebé mak razaun importante liu atu ita haklaken?

1. Atu ajuda ema hetan salvasaun.​—Joao 17:3.

2. Atu fó avizu ba ema aat sira.​—Eze 3:18, 19.

3. Atu liafuan neʼebé Bíblia fó-hatene nanis sai loos.​—Mt 24:14.

4. Atu hatudu Maromak nia hahalok loos ka justisa. Tanba kuandu Maromak halakon ema aat sira, sira sei la bele duun Jeová katak nia la fó oportunidade ba sira atu arrepende an.​—Apos 17:30, 31; 1 Tim 2:3, 4.

5. Atu kumpre ita-nia responsabilidade atu ajuda ema hatene lia-loos. Tanba ita hatene katak Jesus sosa ona ema hotu ho ninia raan rasik.​—Rom 1:14, 15.

6. Atu ita la hetan sala kona-ba ema nia raan.​—Apos 20:26, 27.

7. Atu ita rasik bele hetan salvasaun.​—Eze 3:19; Rom 10:9, 10.

8. Atu hatudu domin ba ema seluk.​—Mt 22:39.

9. Atu hatudu katak ita halo tuir Jeová no ninia Oan-Mane.​—Mt 28:19, 20.

10. Parte husi ita-nia adorasaun ba Maromak.​—Ebr 13:15.

11. Atu hatudu ita-nia domin ba Maromak.​—1 Joao 5:3.

12. Ajuda atu halo Maromak Jeová nia naran sai santu.​—Isa 43:10-12; Mt 6:9.

Tuir loloos, ita mós iha razaun seluk tan atu halaʼo serbisu haklaken. Porezemplu, kuandu ita halaʼo serbisu haklaken, neʼe hametin liután ita-nia fiar, no mós fó ita oportunidade espesiál atu sai Maromak nia maluk serbisu-naʼin. (1 Kor 3:9) Maibé, razaun importante liu atu ita haklaken mak razaun númeru 12. Maski ema simu ka la simu ita-nia mensajen, ita-nia serbisu haklaken ajuda duni atu halo Maromak nia naran sai santu, no ita ajuda Maromak Jeová atu fó resposta ba ida neʼebé koʼalia aat ba nia. (Prov 27:11) Sin, ita iha razaun barak atu kontinua “hanorin no haklaken” ba ema kona-ba liafuan diʼak.​—Apos 5:42.