Ita bele konvida sira ka lae?

Iha kongregasaun barak, iha haklaken-naʼin sira neʼebé la bele hola parte beibeik iha serbisu haklaken tanba moras ka sai ferik-katuas ona. (2 Kor 4:16) Ita bele konvida haklaken-naʼin ho situasaun hanesan neʼe atu akompaña ita atu bá estuda ho ita-nia estudante Bíblia ka lae? Se haklaken-naʼin la bele sai husi uma tanba moras, karik ita bele konvida ita-nia estudante atu halaʼo estudu iha irmaun ka irmán neʼe nia uma. Ka ita bele ka lae, halo arranju ho irmaun ka irmán neʼebé hetan susar tanba moras atu haklaken ba tempu uitoan ka hamutuk atu bá vizita fali ema ida ka rua? Baibain, irmaun-irmán sira neʼebé idade boot hanesan neʼe, sira iha esperiénsia barak kona-ba serbisu haklaken. Tan neʼe, ita-nia hakaʼas-an atu ajuda sira sei lori rezultadu diʼak. Ita sei fó laran-manas ba irmaun-irmán sira-neʼe, no ita rasik mós sei aprende husi sira-nia esperiénsia. (Rom 1:12) Liután neʼe, Maromak Jeová sei fó bensaun ba ita-nia hakaʼas-an atu hatudu domin iha dalan hanesan neʼe.—Prov 19:17; 1 Joao 3:17, 18.