Presiza halo buat ruma kedas

Husi tempu neʼebé ita hafoun ita-nia sítiu, ema barak liután prenxe formuláriu online hodi husu atu estuda Bíblia. No ema barak tan husu atu estuda Bíblia liuhusi dalan foun neʼebé ita uza atu haklaken iha fatin públiku. Kuandu sukursál simu formuláriu sira-neʼe, sira hakaʼas an atu hatán kedas. Porezemplu, se ema ida prenxe formuláriu iha jw.org, depois liutiha loron rua deʼit sukursál haruka email ba katuas kongregasaun sira iha ema neʼe nia área hodi fó-hatene kona-ba ema neʼe. Maski nuneʼe, sukursál simu informasaun katak dala ruma kongregasaun demora semana balu atu bá vizita ema neʼebé prenxe formuláriu. Entaun, saida mak ita bele halo antes ema neʼe lakon ninia interese?—Marcos 4:14, 15.

Se ema ida neʼebé la hela iha ita-nia haklaken-fatin hatudu interese, prenxe kedas formuláriu Please Follow Up (S-43) no iha reuniaun tuirmai, fó ida-neʼe ba katuas sekretáriu. Iha loron ida ka rua nia laran katuas sekretáriu tenke fó informasaun neʼe ba kongregasaun iha ema neʼe nia área ka haruka neʼe ba sukursál hodi uza Congregation tab iha jw.org. Tan neʼe, importante ba katuas sira atu haree beibeik ita-nia sítiu. Se sira simu email husi sukursál atu bá vizita ema ida, katuas sira tenke halo kedas arranju atu vizita ema neʼe. No se haklaken-naʼin ida simu knaar atu vizita ema neʼe, diʼak se nia halo ida-neʼe kedas. Se ita bá vizita maibé uma-naʼin sai tiha, karik ita bele hakerek ita-nia kontaktu no husik ida-neʼe iha ninia uma.