“Haʼu nunka hetan fali ema neʼe!”

Ita uluk koʼalia hanesan neʼe ka lae kona-ba ema neʼebé uluk ita hasoru no tuirmai ita koko fali atu vizita nia hodi rega bee lia-loos nian, maibé nunka hasoru fali ema neʼe? (1 Korinto 3:6) Dala ruma se haklaken-naʼin la hasoru fali ema neʼebé uluk sira hetan, sira hakerek deʼit karta ida ba ema neʼe ka rai deʼit nota-oan ida iha ema neʼe nia uma. Haklaken-naʼin balu kalkula buat hanesan neʼe bele akontese, entaun bainhira haklaken ba ema ida, sira husu kedas ema nia númeru kontaktu, no dala ruma sira mós husu, “Haʼu bele mensajen Ita ka lae?” Bainhira ita halo vizita fali ba ema, atu hasoru duni nia ka liu deʼit husi karta, e-mail, mensajen, nota ruma, ka telefone, ita bele sura no hakerek vizita fali ida. Husi neʼe ita bele haree katak maski ema neʼe la iha, ita mós sei bele ajuda ema neʼe.