Aumenta ita-nia Matenek iha serbisu haklaken—Haklaken liuhusi telefone

TANBASÁ IMPORTANTE: Haklaken liuhusi telefone mak dalan importante ida atu “fó sasin ho loloos ba liafuan diʼak”. (Aps 20:24)a Tanba liuhusi dalan neʼe, ita bele koʼalia ho ema neʼebé ita labele hasoru oin ba oin.

OINSÁ ATU HALO IDA-NEʼE:

• 

  Prepara. Hili tópiku neʼebé diʼak, no halo nota badak kona-ba saida mak ita sei koʼalia. Ita mós bele prepara liafuan badak ruma se karik ema la foti telefone no ita tenke rai hela mensajen. Diʼak atu tuur iha meza ho buat hotu neʼebé ita presiza, hanesan ita-nia nota sira no ita-nia sasán eletróniku nian atu bele loke JW Library^® ka jw.org^®

• 

  Lalika hanoin barak. Koʼalia hanesan baibain. Hatudu oin-midar no book an iha dalan naturál. Kuidadu atu labele pauza naruk se la presiza. Se ita hamutuk ho irmaun-irmán seluk, sira bele ajuda ita. Se uma-naʼin husu pergunta, repete pergunta neʼe ho lian hodi ita-nia pár bele ajuda ita buka resposta

• 

  Loke dalan atu halo vizita fali. Se ema interese, bele rai hela pergunta atu hatán tempu seluk. Ita mós bele husu atu e-mail, haruka ka lori publikasaun ruma ba nia. Ka husu se nia hakarak ita-nia vídeo ka informasaun liuhusi mensajen ka e-mail. Se iha oportunidade, ita mós bele fó-hatene kona-ba buat seluk husi ita-nia website