Konvite ba reuniaun boot

Tinan-tinan, ita sempre hein namanas ba festa espirituál husi reuniaun boot ba loron tolu. Ita mós hakarak ema seluk atu koko Jeová nia diʼak sira, tan neʼe ita hakarak konvida ema barak atu tuir reuniaun sira-neʼe. (Sal 34:8) Grupu katuas husi kongregasaun ida-idak sei halo planu oinsá atu bele fahe konvite ba ema hotu.

FÓ ATENSAUN KONA-BA

• Bainhira mak ita-nia reuniaun boot halaʼo?

• Bainhira mak ita atu fahe konvite?

• Tuku hira mak grupu haklaken hahú?

• Haʼu iha planu saida deʼit kona-ba kampaña neʼe?

• Haʼu planu atu konvida sé deʼit?

ITA SEI KOʼALIA OINSÁ?

Kumprimenta tiha, tuirmai karik bele hatete:

“Ami halaʼo hela kampaña neʼe iha mundu tomak atu fahe konvite importante ba reuniaun ida. Data, oras, no fatin hakerek hotu iha konvite neʼe. Ami kontente atu simu Ita iha reuniaun neʼe.”

OINSÁ ATU HABURAS EMA NIA INTERESE?

Maski ita-nia hakarak mak atu halaʼo kampaña neʼe ho lalais no urjente, maibé ita mós hakarak fó atensaun ba ema neʼebé interese kona-ba lia-loos.

Iha findesemana, ita bele fahe revista sira hamutuk ho konvite neʼe.