Aumenta ita-nia matenek iha serbisu haklaken​—Haklaken ba ema hotu iha ita-nia haklaken-fatin

TANBASÁ IMPORTANTE: Zacarias fó-hatene nanis katak ema husi lian no nasaun hotu sei simu liafuan diʼak. (Zac 8:23) Maibé sé mak atu hanorin sira? (Rom 10:13-15) Ita hotu iha priviléjiu no responsabilidade atu fahe liafuan diʼak ba ema hotu iha ita-nia haklaken-fatin.​—od-E p. 84 par. 10-11.

OINSÁ ATU HALO IDA-NEʼE:

• Prepara. Ita hasoru ema neʼebé koʼalia língua seluk ka lae? Ita bele uza aplikasaun JW Language hodi aprende dalan simples atu haklaken. Se lae, Ita bele uza Ita-nia sasán eletróniku hodi hatudu ba ema neʼe oinsá nia bele buka liután informasaun iha ninia língua rasik liuhusi jw.org

• Matan-moris bá. Se Ita mak haklaken husi uma ba uma, keta husik liu oportunidade neʼebé Ita iha hodi haklaken ba ema iha dalan ka sira neʼebé tuur hein hela iha karreta laran. Se Ita mak hola parte iha haklaken públiku, fó atensaun ba Ita-nia objetivu mak atu koʼalia ho ema

• Badinas. Koko atu buka ema neʼebé Ita seidauk hasoru. Hakaʼas an atu buka ema iha uma ida-idak, karik bele koko iha oras neʼebé la hanesan, ka loron neʼebé la hanesan. Karik uma-naʼin balu Ita presiza hakerek karta deʼit, telefone ka hasoru deʼit iha dalan

• Vizita fali. Keta demora atu halo vizita fali ba ema neʼebé hatudu interese. Se ema neʼe mak koʼalia língua seluk, koko atu lori haklaken-naʼin neʼebé koʼalia ninia língua hodi ajuda nia. Ita presiza halo vizita beibeik ba ema neʼe se Ita seidauk hetan haklaken-naʼin neʼebé koʼalia ninia língua. ​—od-E p. 94 par. 39-40

HAREE VÍDEO HAKLAKEN “TOʼO RAI NIA ROHAN,” DEPOIS HATÁN BA PERGUNTA SIRA TUIRMAI NEʼE:

• 

  Irmaun-irmán sira halo preparasaun saida deʼit atu bá haklaken iha fatin rurál? (1Ko 9:22, 23)

• 

  Sira hasoru susar saida deʼit?

• 

  Sira hetan bensaun saida deʼit?

• Ita bele koko dalan saida deʼit atu haklaken ba ema iha Ita-nia haklaken-fatin?