Sujestaun oinsá atu halaʼo reuniaun grupu haklaken nian

Reuniaun grupu haklaken nian mak Jeová nia arranju ida hanesan ho reuniaun sira seluk. Reuniaun neʼe mós ajuda ita atu anima malu hodi haburas domin no hahalok diʼak sira. (Ebr 10:24, 25) Reuniaun grupu haklaken nian sei halaʼo iha minutu 5 toʼo 7 nia laran, tempu neʼe inklui fahe grupu, koʼalia kona-ba territóriu, no halo orasaun. (Se reuniaun neʼe halaʼo depois reuniaun ruma, reuniaun ida-neʼe presiza habadak.) Irmaun neʼebé dirije presiza koʼalia buat ruma neʼebé bele ajuda irmaun-irmán sira iha loron neʼe. Porezemplu, iha loron-sábadu se iha irmaun-irmán sira neʼebé la tuir haklaken iha loron baileet, karik diʼak atu koʼalia kona-ba oinsá atu haklaken. Tópiku saida tan mak diʼak atu koʼalia hamutuk?

• Ezemplu atu haklaken husi Moris Kristaun no Haklaken—Programa no Nota

• Oinsá atu uza akontesimentu ka notísias ruma hodi hahú koʼalia ho ema

• Oinsá atu hatán ba ema neʼebé la simu tanba razaun ruma

• Oinsá atu koʼalia ho ema neʼebé fiar katak Maromak la iha, fiar teoria evolusaun, koʼalia língua seluk, ka tuir relijiaun ruma

• Oinsá atu uza website jw.org, aplikasaun JW Library^®, ka Biblia

• Oinsá atu uza informasaun ida husi Ekipamentu Hanorin nian

• Oinsá atu haklaken iha dalan espesífiku, porezemplu haklaken ho telefone, hakerek karta, haklaken iha fatin públiku, vizita fali, ka estudu Bíblia

• Fó-hanoin oinsá atu sees husi perigu, adapta ho situasaun, hatudu hahalok diʼak, hanoin pozitivu, ka buat seluk

• Lisaun ka vídeo husi broxura Hakaʼas An atu Lee no Hanorin

• Oinsá atu anima no ajuda Ita-nia pár iha serbisu haklaken

• Eskritura ida neʼebé bele aplika iha serbisu haklaken, ka esperiénsia diʼak kona-ba serbisu haklaken